🖤Theories of LOVE ❤️~🖤 Season-4❤️~ Final chapters-2

🖤 Tabula Rasa-11❤️

Unicode

🖤 Theories of LOVE❤️

🖤 Season-4❤️

🖤 Tabula Rasa-11❤️

ကြည့်မဝရှုမဝနဲ့ ချွဲမယ်သာပြောနေတာ သူ့မျက်နှာကနေ အကြည့်ကလွှဲမရသေးတော့ အိပ်ရာပေါ်ကနေခြေထောက်တောင် အောက်မချရသေးပါဘူး။

ကိုကို့ မျက်တွင်းတွေကျနေတယ်။ပြီးတော့ လက်နှစ်ဖက်လုံးမှာလည်း ပတ်တီးစည်းထားတယ်။ ဒါပေမဲ့ ဘာမှမဖြစ်သလိုပဲ ကျွန်တော့်ခေါင်းကိုပွတ်လို့ ပြုံးပြနေတယ်။သူကျွန်တော်မသိအောင် ဖုံးကွယ်ထားတာ တစ်ခုခုရှိနေမယ်ထင်တယ်ဆိုတဲ့အသိနဲ့ ရင်ထဲတစ်မျိုးတမည် ခံစားနေရသည်။

🖤အချွဲတုံးလေးလုပ်မယ်ဆို ဘာလို့ကြည့်နေတာတုံး babyရဲ့

❤️ကိုကို babyမသိအောင်ဘာလုပ်နေလဲလို့ ရှာနေတာ

🖤အဲ့တော့ တွေ့လား

❤️တွေ့ဘူး

🖤ကိုကိုဘာမှမလုပ်ဘူး ကလေးလေးရဲ့ မျက်ကွင်းညိုနေတာက မနေ့ညကလည်းမအိပ်ရ ဟိုနေ့ညကလည်း မအိပ်ရလို့လေ

လက်ကဒဏ်ရာကလည်း တည်းတဲ့အိမ်မှာ စိုက်ခင်းလေးတွေရှိတော့ အလုပ်အားတဲ့ နေ့ဘက်တွေစိတ်ပြေလက်ပျောက်ဆိုပြီး အိမ်ရှင်နဲ့တူတူဝင်လုပ်ရင်း လက်ကရှမိ ခိုက်မိတာနဲ့ ဆေးထည့် ပတ်တီးစည်းထားရတာ

ကျွန်တော့်မျက်လုံးထောင့်စွန်းရွေ့တာကအစ ဂရုတစိုက်ကြည့်ပြီး ကျွန်တော်တွေးနေမှာတွေကို တစ်ခုချင်းစီဖြေရှင်းပြနေတာကိုက ချစ်ဖို့ကောင်းလိုက်တာဗျာ။

❤️ကိုကို့ကို ချစ်တယ်

🖤အင်း ကိုကိုကလည်း baby ကို ချစ်တယ်

❤️ခဏပဲ ကိုကို babyနားနေပါ ပြီးရင် သားနဲ့သမီးနား နားနားနေနေ နေလိုက်နော် သူတို့အဖေကို တစ်ချိန်လုံးအပိုင်သိမ်းထားတယ်လို့ ရန်လာတွေ့နေကြမှာစိုးလို့

🖤ကိုကိုကနေပေးမှာပါ babyတို့သားအဖတွေနားမှာ ဘာမှပူမနေနဲ့ အခု တစ်ခုခုစားရအောင်နော်

❤️ဟင့်အင်း မစားချင်တော့ဘူး ကိုကို့ကို ဖက်ထားရရင် ဗိုက်ဝပြီ

🖤အဲ့လို လူလည်ကျလို့မရဘူးနော် မစားချင်လို့ ဉာဏ်ဆင်နေတာသိတယ် ကိုကိုခွံ့ကျွေးမယ်လေနော် ဝင်သလောက်နည်းနည်းချင်းစား ပြီးရင်ဆေးသောက်ရမယ် babyရဲ့ ဆေးမသောက်ရင် ကိုယ်တွေပြန်ပူလာမှာနော်