🖤Theories of LOVE ❤️~🖤 Season-4❤️~ Final chapters-2

🖤 Tabula Rasa-30❤️

Unicode

🖤 Theories of LOVE❤️

🖤 Season-4❤️

🖤 Tabula Rasa-30❤️

💛ပုံတွေဆွဲရတော့မှာ ထင်တယ်နော်

🕊️ဒီဒီက ဘာရုပ်ခိုင်းမှာရဲ တိဘူးရေ

P'Mike ယူလာပေးတဲ့ ဘောင်မသွင်းရသေးသော  စာရွက်ဖြူပြင်ကျယ်ကြီးကို သားနဲ့သမီးက ငုတ်တုတ်ထိုင်ကြည့်ရင်း အဆူမခံရလို့ပျော်နေရှာသည်။ အဆူမခံရပေမဲ့ ပင်ပန်းရတော့မယ်ဆိုတာကိုတော့ဖြင့် မသိရှာတဲ့ကလေးတွေကို စိတ်ထဲကပဲ ကြိတ်ပြီးသနားရသည်။

🖤ငါ့ကောင်တွေ အဲ့ဒါကြီးထိုင်ကြည့်မနေနဲ့ အရင်ဆုံး ဒီပန်းခြောက်တွေကို ပန်းစည်းထဲကနေထုတ်ကြမယ် လာ

❤️ကိုကိုဘယ်ကနေ တကူးတကရှာလာတာလဲ ဒီပန်းစည်းတွေကို

🖤ဆိုင်တွေမှာ အော်‌ဒါမှာထားပြီး လာမယူတာတို့ ရောင်းမကုန်တာတို့ အဲ့လိုပန်းစည်းတွေရှိတယ်လေ အဲ့ဒါကို ဘန်ကောက်တစ်မြို့လုံးကပန်းဆိုင်တွေမှာ ပတ်ရှာပြီး ဝယ်နေရလို့ အိမ်ပြန်နောက်ကျတာပေါ့

သူခိုင်းတဲ့အတိုင်း ပန်းစည်းထဲက အမျိုးအစားတူပန်းတွေကို ခွဲပြီး တစ်ပုံစီပုံနေရင်းနဲ့ စပ်စုစိန်လေးတွေက စပ်စုကြပါပြီ။

💛ဒီဒီ ဘာရို့ ပန်းသစ်သစ်တေမဝယ်တာရဲ

🕊️ဒီပန်းတေက ဟောင်းနေဘီနော် ပါပါး

❤️အင်း ဟောင်းတော့ဟောင်းနေပြီ မေးကြည့်လေ ဒီဒီ့ကို ဘာလို့ဝယ်လာတာလဲလို့

💛 ဘာရို့ရဲ ဒီဒီ

🖤 ဒီနှင်းဆီပန်းလေးကို ကြည့်စမ်း သူအသစ်ကလေးဖြစ်နေတုံးက သိပ်လှတယ်လို့ မထင်ဘူးလား

💛 လှရာပေါ့

🕊️ မီး နှင်းဆီပန်းတေရို လှမှာပေါ့

🖤 လှတုံးက ပိုက်ဆံနဲ့ပေးဝယ် တယုတယနမ်းပြီးမှ လွှင့်ပစ်ရအောင်ထိ ပန်းတွေက တန်ဖိုးမမဲ့ဘူး သားနဲ့သမီးရဲ့

တန်ဖိုးထားတတ်ရင် သူတို့ရဲ့အလှတရားက တစ်သက်လုံးကြာရှည်ခံတယ် အဲ့ဒါကို သားနဲ့သမီးမှတ်ထားနော်