🖤Theories of LOVE ❤️~🖤 Season-4❤️~ Final chapters-2

🖤 Tabula Rasa-7❤️

Unicode

🖤 Theories of LOVE❤️

🖤 Season-4❤️

🖤 Tabula Rasa-7❤️

ညငှက်နဲ့ ပိုးမွှားကောင်အချို့အော်သံသဲ့သဲ့ဟာ အိမ်ရဲ့နောက်ဖက် လိပ်ပြာဥယျာဉ်ရှိရာကနေ လေနဲ့အတူလွင့်မျောပါလာချိန်မှာ ကျွန်တော်က ဝရန်တာမှာ.....

လေအေးတွေတိုးဝှေ့နေတဲ့ကြား မတ်တပ်ရပ်လို့ ကောင်းကင်ကိုမော့ကြည့်ရင်း ဒီနေ့ည လေယာဉ်နဲ့ရောက်လာတော့မဲ့ တစ်စုံတစ်ရာအကြောင်းကို တွေးကာ စိတ်လှုပ်ရှားနေမိပြီ။

မကြာခင်အသက်ဝင်လာတော့မဲ့ အရာအတွက် ကျွန်တော့်ရဲ့ကြိုးစားအားထုတ်ခြင်းတွေကို လုံလောက်တာထက်ပိုစေချင်သည်။ တကယ်လည်း ပိုပိုသာသာဖြစ်အောင် အစစအရာရာအကုန်စီစဉ်ခဲ့ရတာပါပဲ။

❤️ကိုကို လာလေ ဘာလုပ်နေတာလဲ အေးနေတာကို

baby လာခေါ်တော့မှ အတွေးစတွေဖြတ်တောက်ပြီး အခန်းထဲပြန်ဝင်လာရသည်။အခန်းထဲမှာတော့ နွေးထွေးသွားစေမဲ့ အသက်ဓာတ်ကလေးတွေက ကုတင်ပေါ်မှာရှိနေကြတာမို့ သူတို့နားတိုးကပ်ထိုင်ရပြီ။

🖤အသည်းလေးတို့ အိပ်ကြတော့မှာလား

ကုတင်ပေါ်ပက်လက်လှန် ခြေထောက်ကအရုပ်ခြေအိတ်လေးတွေကို တို့လိုက်ထိလိုက်နဲ့ ဆော့နေကြတဲ့ ကျွန်တော့်ဝက်ကလေးတွေကိုမေးတော့ ပက်လက်ကနေ ထလာကြပြီး ခိုင်းစားပါပြီ။

💛တားတား ညောင်းတယ် နှိပ်ပေးပါရား

🕊️မီးရောပဲ ကရတာ ညောင်းးးဝါးဘီ

🖤ဟုတ်ပါပြီဗျာ နှိပ်ပေးပါ့မယ်

❤️နှိပ်ပေးတာက ဟုတ်ပါပြီ ပါပါးတို့လည်း ရယ်ရလို့ မောသွားပြီလေ မောတာကိုရော ဘာလုပ်ပေးမှာလဲ

🖤baby မောနေတာလား ဟင်

❤️ဟင့်အင်း စနေတာကို ကိုကိုကလည်း အသာလေးနေတာမဟုတ်ဘူး

🖤မရပါဘူး ဒါက စ စရာမဟုတ်ဘူး

❤️ထားတော့ ကဲ နှစ်ယောက်လုံး လှဲ နှိပ်ပေးမယ်

ဝက်ကလေးနှစ်ကောင်ရဲ့ ခြေထောက်လုံးလုံးတုတ်တုတ်လေးတွေကို လက်နဲ့ထွေးဆုပ်လိုက်တိုင်း ချစ်တဲ့ ခံစားချက်က ရင်ထဲကို တအိအိနဲ့နစ်ဝင်နေသလိုမျိုးခံစားရသည်။