🖤Theories of LOVE ❤️~🖤 Season-4❤️~ Final chapters-2

🖤A Million Dreams- 51❤️

Unicode

🖤Theories of LOVE❤️

🖤Season-4❤️

🖤A Million Dreams-51❤️

စိတ်ကျေနပ်ခြင်းတွေနဲ့ ရီဝေဝေမွှေးရနံ့တွေကြားမှာ အလုပ်တောင်မလုပ်နိုင်တော့ပဲ ထိုင်နေမိတာ တော်တော်ကြာပြီ။

ကြားရခဲတဲ့ အသံလေးတွေနဲ့ အတွေ့အကြုံအသစ်တစ်ခုကြောင့် ရင်ခုန်တာ ဒီနေ့ပျောက်ပါတော့မလားတောင်မသိ။ တကယ်မလွယ်တဲ့ မြတ်နိုးရာလေးပဲ။

"အကိုလေး အမောပြေ သံပုရာရည်လေး"

Mike အသံကြားမှပဲ ဘောင်လွန်နေတဲ့ နှုတ်ခမ်းတွေကို မနည်းပြန်ဆွဲစိရသည်။ စပ်ဖြီးဖြီးရုပ်ကြီးဖြစ်နေမှာ အသေအချာပဲမို့လို့လေ။

🖤 ကျေးဇူး Mike

သံပုရာရည် မချိုမချဥ်လေးကို သောက်ရင်း Mike ကိုကြည့်မိတော့ သူ့ရုပ်ကလဲ ကျွန်တော့်လိုပဲ ဖြီးလို့။

🖤 ဘာဖြစ်နေတာလဲ မင်းက စပ်ဖြီးဖြီးနဲ့

"ဘာမှမဖြစ်ပါဘူး အကိုလေးရဲ့ ဒီတိုင်းပဲ..."

🖤ဟုတ်လို့လား မင်းခုလို မျက်နှာကြီး ဖြီးနေတာကို ငါတစ်ခါမှမတွေ့ဖူးပါဘူး

"ဟီး အဲ့ဒါက ဟိုလို ရှိတယ်"

🖤 မပြောရင် ငါ ဆောင့်ကန်တော့မှာ ပြော အခု ဘာဖြစ်နေတာတုံး

"ဆရာသမားကလဲ ဒီမှာ ရယ်ချင်တာကို ထိန်းနေပါတယ်ဆို ဟားဟားဟားးးး"

မတ်တပ်ရပ်နေရာကနေ ခုံမှာထိုင်ချလိုက်ပြီး အားရပါးရ လက်ခုပ်လက်ဝါးတီးရယ်နေတဲ့ကောင်ကို ဘာပြောရမှန်းမသိပဲ ထိုင်ကြည့်နေရတော့သည်။

"အကိုလေး Saint ကို သဘောကျလွန်းလို့ပါဗျာ တကယ်သူမို့ အဲ့လို ကြံကြံဖန်ဖန် ဟားဟား"

🖤 ပြောစမ်း Mike အခုမပြောရင် မင်း အသေပဲ

ခြိမ်းခြောက်ဟိန်းဟောက်တော့မှပဲ အရယ်တစ်စခန်းရပ်တော့သည်။

"အဟမ်း ပြောပြမယ် ဒီနေ့ King ကို ကျွန်တော်တို့အားလုံးပေါင်းပြီး အလဲထိုးနိုင်ခဲ့တယ်လေ အကိုလေး မသိတာတစ်ခုပါပဲ

အကိုလေး ဟို အခန်းထဲမှာ ဟိုဒင်းဟိုဟာလေ အဲ့ဒါဖြစ်နေတုံးက အပြင်ကနေ King ကြားသွားတယ်"