#طوبى "جنة طوبى"
#جمان_فريد
#الجزء_السبعون"فوق الطاوله2"
《أحداث هذه الرواية تبدأ من سنه 1996 وتنتهي سنة 2022 ومعظمها حقيقيه》
🚫الـرجـــــــــــاء الـــتـــركـيــــــــز عـلـــــى الـمــــــــرور الـــزمـنــــــي و الـتــــواريـــــخ والأيــــــــام]🚫
لو فاتتكم صلاة او خش عليكم وقت صلاة صلوا قبل بعدين اقروا...الصلاة قبل كل شي وكل شي يجي بعدها
وصلوا على الحبيب🌼
#الحوقله
وقال ابن القيم عن الحوقلة : ” تحمل بها الأثقال ، وتقتحم بها الأهوال ويدخل بها على من تخافه ”
🌿🌿🌿🌿🌿🌿🌿🌿🌿🌿🌿🌿🌿🌿🌿
🍃 إن فى الحياة فترات إنتقالية لا يمكن إجتيازها دون أن يموت شئ ما بداخلك🍃
__________________________________________
مقعمزة وهي تشوف في الفراغ..
مصدومه بقوة..
اللي سمعاته عن اللي صار بتفاصيله حسسها انها طايحه في دوامه...
لامستوعبه شي..ولاقادره تفكر في شي عقلها وقف خلاص..
تسائلت بنبرة واضح فيها قلة الحيله..
"كيف ندير توا؟!"
ردت عليها امها بإنفعال..
/ماتبيش سؤال يابنتي مستحيل نحدفك في النار بإيديا لاقياتك في الشارع!؟
غيرت نظرها لخالتها وهي تشوفلها بنظرات حيره وحزن قالت..
/وانتي طوبى شن تقولي؟
طوبى بألم..
/شهاده قدام ربي نتحاسب عليها ماريتش من نضال الا كل خير مرات نعذره ونقول ع خاطر خوه دار هكي بس بعدين نقول لروحي لاليه عذر ولامبرر زيه زيهم دار هكي ع خاطر عيلته واكيد مش حيجي يكون ضدهم..شوفي قدامك عمر لما سيبهم ع خاطر اميمه شن دار فيها هو وياهم بعد خداها مانصرهاش عليهم وهي معاها الحق بالعكس ركبها هي الحق وطلعها ماتنفعش..اريج عيلة زي هادي حتى عدوك ماتتمنيه يعاشرها يابال انتي بنت اختي ووخيتي وصاحبتي مانبيكش تشوفي شي من اللي ريناه اني واميمه..الفراق مش حيأثر فيك زي ماحيأثر فيك اللي بتشوفيه معاهم بعدين لو وليتي منهم...
غيرت عيونها عن خالتها ورجعت تشوف في الفراغ ودموعها ينزلوا..
غرفه بكره:العيله هادي رجالتهم يمشوا براي نساوينهم حتى لو جاك وقالك ناخدك ونعيشوا بعيد عليهم ردي بالك تصدقي مرجوعهم ليهم ووقتها صدقيني حتشوفي منهم احرف ماشافوا اميمه وطوبى..
فردوس:هدا كان مازال خلوه كاسبها صدقوني هما اللي حيخلوه يسيبها قبل لهي تسيبه..
اريج خدت شنطتها وناضت ومشت طلعت من حداهم...
طوبى بحزن متسائله:امتى جت هي!؟
غرفه؛ماندريش عليها الا وهي خاشه عليا الدار تسمع فيكم وتسأل فيا شن في واني نقوللها مش عارفه..
فردوس بضيق: هكي احسن..
غرفه:زعمه تقدر تسيبه!؟
فردوس:بنتي ونعرفها مش حترضى تقعد ع ذمته بعد اللي عرفاته عنهم..
طوبى رفعت حاجبها وقالت بغيظ:
/ماشرفكم كان نسبنا..تفو على هكي نسب..
غرفه:الحق.يره قسما بالله نسمع فيها واني نرعش صوتها يخوف وكيف تتكلم خفت تنوض تضرب وحده فيكم..
فردوس:بش بعدين نحطها تحتي ونطلع روحها..
طوبى:الحق حتى اني كنت خايفه منها بس لما جت قدامي سبحان الله حسيتها هوينه وماخفتش منها بكل..
غرفه؛بجديات تفاجئت بيك طبعك ماترديش ع الأكبر منك حتى كان غلطوا فيك..
طوبى:الاكبر مني كبير القدر مش وحده زي هادي قد مانحكيلك عليها ياغرفه مش حتصدقي..
غرفه وهي عاقده حواجب بإستياء..
/يااه قداش الناس مدرقه في ظاهرها الجالي هذا نشوف فيها راجل عاقل رزين راقي طلع قمة في التفاهه والنذاله
طوبى بدت ع وجهها ملامح الازدراء لما سمعوت اسمه..
وفردوس قالت:سح.يقه ليه ولأمثاله..
🍃وفي دار البنات..
كانت اريج مقعمزة ع سريرها وهي تبكي وبين ايديها تليفونها حاولت تتصل بنضال ماقدرتش..قفلت التليفون مرة وحده...
🍃🍃🍃
وخديجه اللي روحت طول ع شقتها...
وكانت في قمة الغضب والعصبيه..
خشت ع ماسنجر خوها وحاولت تتصل بيه لقاته مسكر النت..
حدفت التليفون ع الكنبه وهي تقول بغضب..
"غبي"
🍃🍃🍃🍃🍃🍃
"هي تفضل ياحاج"
خدي محمد شنيبه الفنجان وهو يقول..
/يزيد فضلك ولدي..
وجه نظره ليها وقال؛والله ياحاجه الكلاك هدا ماخش راسي نجاه لينا معاها عمر ماديرش الغلط..
لطفيه:باهي ياحاج بنجي معاك في كلامك ماديرش غلط لكن بالك تبي تشوف حياتها وتتزوج..
عقد حواجبه بعدم تقبل..
هي قالت:لو صار وقالت تبي تتزوج صغار ولدي مانخليهمش للبراني وراك تقولي يقعدوا لأختها هادي بالذات خليني ساكته مانبيش ندوي..استغفر الله العظيم..
محمد شنيبه؛حرام ياحاجه هادي اعراض ناس..
لطفيه؛المهم..اني مانخليلهاش صغار ولدي..
محمد شنيبه هز راسه وقال..
/طمني بالك ياحاجه صغار طاهر مش حيربيهم البراني طول مااني حي..
لطفيه:هدا علاش ناديتك..اني راضيه يردها واحد من ولاد ياالارمل ياالمطلق المهم تكون تحت حكم راجل قريب للصغار مش براني..
محمد شنيبه؛وهدا هو اللي نفكر فيه حتى اني..
لطفيه؛في حاجه تانيه نبيها منك ياحاج..
هو قال؛شن هي؟
لطفيه؛نبي صغار ولدي يجوا يقعدوا عندي يومين في الاسبوع..
محمد؛حقك هدا ماتطلبيشي طلبه..
لطفيه؛الهانم نجاه مانعتني عنهم..
محمد؛علاش!؟
لطفيه؛صار بيني وبينها كلام ع الموضوع اللي دوينا فيه قبل شويه الهانم ماعجبهاش نار وانبكت فيا ماخلت ماقالتلي ومنعتهم عليا ومنعتني عنهم..
هو قال؛ربي يهديك حتى انتي كان من الاول فتحتي معاي الموضوع..هز راسه وقال..ع العموم صار خير تو نتفاهم اني وياها في الموضوع هدا..
لطفيه؛بارك الله فيك ياحاج..
محمد؛فيك بارك الله..بعدين ناض وحط الفنجان وهو يقول..
هي اني توا اسمحولي..
ولد اخت لطفيه:وين ياحاج اقعد تعشا معانا!
محمد شنيبه؛بارك الله فيك وراي مشاغل يامشاغل ان شاء الله نكملهم فيسع بش نروح للحوش بكري...
:نكسبوك مرة تانيه ان شاء الله ع غدي ولاعشي..
محمد بإبتسامه؛إن شاء الله..شاف للطفيه وقال..حاج كوني هانيه مايصير الا تبيه..
لطفيه هزت راسها وقالت بإبتسامه جاده..
/إن شاء الله ياحاج ان شاء الله..
محمد شنيبه؛هي تصبحوا ع خير..السلام عليكم..
ومشي طلع ومعاه ولد اخت لطفيه..
ولطفيه ردت عليه التحيه وناضت مشت طلعت من المربوعه...
🍃🍃🍃🍃🍃
الساعه 9:00ليلا
حالة هدوء تسود حوش لطفي الواعر..
آلاء ومطيره بعد ماروحوا من مشوراهم لقول الوضع في الحوش طبيعي..
اريج مروحه من خدمتها وراقده صح مش بالعاده بس يقولوا ولى عليها التعب من امس ورقدت..
طوبى مش مفارقه المصحف مقعمزة بيه في الجنان تحت شجرة الياسمين وتقرا..
غرفه متكيه وشاده تليفونها تتنقل من فيديو لفيديو وكلهم عن صحة المرأة الحامل والجنين..
وفردوس تعول ع العشي..
هدا كله كان في وجود لطفي الواعر اللي كان مقعمز في الصاله يتفرج ع الأخبار..
🍃في الكوجينه..
خشت الاء ع امها وهي تقول بضحكه..
/كان نحكيلك يام..
