ဘာသာပြန်သူ - Yuu Ki
အခန်း(၃၅) မျက်နှာချင်းဆိုင်တွေ့ဆုံခြင်း(၂)
ဖုန်းရွှမ်းက မတတ်နိုင်ဘဲ အော်ရယ်မိသွားသည်။
"မစ္စတာရယ် အရိုးသားဆုံးပြောရမယ်ဆိုရင် ခင်ဗျား ဘာလို့ ရုတ်တရက်ကြီး ဒီဒရမ်မာကို ရင်းနှီးမြှုပ်နှံဖို့ စိတ်ဝင်စားသွားလဲဆိုတာကို ကျွန်တော်သိပ်သိချင်တာပဲဗျာ၊ သိတဲ့အတိုင်း ခင်ဗျားက ဖျော်ဖြေရေးလောကကို ဘယ်တုန်းကမှ ခြေချခဲ့ဖူးတာမဟုတ်ဘူးလေ"
“ဒီဟာက ငါတို့ကုမ္ပဏီရဲ့ခြေလှမ်းအသစ်လို့ပဲ ယူဆလိုက်ပေါ့"
ဖေကြီးယဲ့က စကားလမ်းကြောင်း လွှဲလိုက်ပြီး ဖုန်းရွှမ်းကို
" ကျုပ် အခု တောင်းဆိုတဲ့ကိစ္စကို ခင်ဗျား ဘယ်လိုမြင်လဲ"
"တကယ်လို့ ပရိသတ်တောင်းဆိုမှုတွေများရင် ချစ်ခင်ကြင်နာတဲ့အခန်းလေးတွေ နည်းနည်း ပိုထည့်ပေးမယ်လေ ဒီဟာကလည်း ပရိသတ်တွေအပေါ်မှာပဲမူတည်တာပါဗျာ ကျုပ်ကတော့ ခင်ဗျားသိတဲ့အတိုင်း ကိုယ့်သဘောနဲ့ကိုယ်ထည့်ပြီး အပိုတွေတော့မလုပ်ချင်ဘူး "
"ကောင်းပြီ ကျုပ်နားလည်ပြီ၊ ကျုပ်သား ယဲ့ဖေးချန်းက အခြားရိုက်ကူးရေးတွေ အကုန် ငြင်းထားတာဆိုတော့ ဒီဒရမ်မာရိုက်ကူးဖို့ အေးအေးဆေးဆေးစောင့်နေရုံပဲ"
"ဟုတ်ပြီ "
ဖုန်းရွှမ်းက ခေါင်းညိတ်လိုက်ပြီး
"ဇာတ်ကောင်နေရာတွေ ရွေးချယ်ဖို့ ကျုပ် ခပ်သွက်သွက်လေး လှုပ်ရှားလိုက်ပါ့မယ်"
……
နောက်တစ်နေ့၌ "မနက်အရုဏ်တက်ချိန်ရဲ့နေရောင်ခြည်လေး"ဒရမ်မာ၏ သရုပ်ဆောင်ရွေးပွဲက တနင်္လာနေ့မနက် ၉နာရီမှစ သုံးရက်တိတိ ရွေးချယ်ကျင်းပမှာ ဖြစ်သည်။
အစ်မဝူက ချောင်မော့ယွီ၏ အင်တာဗျူးကို အင်္ဂါနေ့နေ့လယ်ပိုင်း၌ စီစဉ်ပေးထားခဲ့သည်။ ချောင်မော့ယွီက ထိုဇာတ်လမ်းနှင့် မရင်းနှီးသောကြောင့် အိမ်၌ရှိနေသည့် ထိုရက်များ၌ သည်ဇာတ်ညွှန်းကို လေ့လာရန် ဆုံးဖြတ်လိုက်သည်။
ВЫ ЧИТАЕТЕ
စီအီးအိုရဲ့ ဗီလိန်သူငယ်ချင်း
Любовные романыချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
