ဘာသာပြန်သူ YuuKi
အပိုင်း (၇၃) သူ့ကိုကယ်ခဲ့တဲ့မိန်းကလေး(၂)
လျှပ်စစ်ပတ်လမ်းတိုထဲတွင် မြှုပ်ထားသော ဝါယာကြိုးများမှ မီးစ,လောင်ခြင်းဖြစ်သည်။ ကံအားလျော်စွာ ပတ်ဝန်းကျင်တွင် တခြားအဆောက်အဦများမရှိသောကြောင့် အပျက်အစီးမများချေ။
ချောင်မော့ယွီသည် သူမ၏ဒဏ်ရာကို ဆေးလိမ်းနေစဥ် ဖုန်းမြည်လာ၏။ လက်ထောက်မန်နေဂျာ ရှောင်စု စကားပြောနေသည်။
“ မမလေးမော့ယွီ နင်ဘယ်မှာလဲ၊ ဒါရိုက်တာဖုန်းက အခန်းတစ်ခန်းကို ပြန်ရိုက်ဖို့လိုလို့ နင့်ကို ခေါ်နေတယ်”
ချောင်မော့ယွီသည် သူမဘေးမှ အဖွဲ့သားတစ်ယောက်က သူမကို တဘက်ပေးထားသော်လည်း အဝတ်အစားမှာ စိုနေဆဲဖြစ်ပြီး သူမအဝတ်အစားများသည် ခန္ဓာကိုယ်နှင့် ကပ်နေလေသည်။
သူမသည် လက်ထောက်ကို ပြန်ဖြေရင်း ရိုက်ကွင်းနေရာဟောင်းဆီလို့ အမြန်ပြေးသွားလိုက်သည်။
“ ကျွန်မ ရုပ်ရှင်မြို့တော်ရဲ့ အရှေ့ဘက်ခြမ်းမှာ ၊ အခုလေးတင်ပဲ ဒီနေရာမှာ မီးလောင်မှုဖြစ်သွားလို့၊ ကျွန်မ ကောင်လေးတစ်ယောကို ဝင်ကယ်လိုက်တာ အခု တစ်ကိုယ်လုံးစိုရွှဲနေတယ်....”
“ အမ် ၊ မီးလောင်မှု ဟုတ်လား”
ရှောင်စု လန့်သွားလေသည်။
“ နင် ဘာဖြစ်သွားသေးလဲ၊ ဒဏ်ရာရသွားသေးလား”
သူမ၏အသံမှာ စိုးရိမ်သွားသဖြင့် ကျယ်သွားလေသည်။ အခုလေးတင်မှ သရုပ်ဆောင်ပြီးသွားသော ယဲ့ဖေးချန်းသည် သူမစကားကို ကြားလိုက်သည်တွင် ပြန်လှည့်လာလိုက်သည်။
“စိတ်အေးအေးထား၊ ကျွန်မ ရုပ်ပျက်ဆင်းပျက် ဘာမှမဖြစ်ဘူး၊ လက်မှာ မီးလောင်ဖုလေးနည်းနည်းပဲ ရခဲ့တာ”
ချောင်မော့ယွီ ပြန်ပြောလိုက်သည်။
“ မီးလောင်ဖုတွေဟုတ်လား ။ ငါ့ကို စောင်နေ၊ အခုချက်ချင်း ကားထုတ်ပြီး လာခေါ်ပေးမယ်”
ရှောင်စု အရေးတကြီးနှင့် ပြောလိုက်သည်။
သူမ ဖုန်းချလိုက်သောအခါ ရယ်ဖေးချန်က ရုပ်ရှင်အဖွဲ့ကားသော့ကို ကိုင်ထားလေသည်။ မင်းသားသည် သူ့ဘက်လှည့်ကာ ပြောလိုက်၏။
VOUS LISEZ
စီအီးအိုရဲ့ ဗီလိန်သူငယ်ချင်း
Roman d'amourချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
