ဘာသာပြန်သူ - Yuu Ki
အခန်း(၃၄)မျက်နှာချင်းဆိုင်တွေ့ဆုံခြင်း (၁)
ချောင်မော့ယွီက မသေချာမှုဖြင့်
"အစ်မဝူ သူတို့တကယ်ပဲ ကျွန်မကို အင်တာဗျူးလာဖြေဖို့ ကမ်းလှမ်းထားတယ်ဆိုတာက သေကောသေချာရဲ့လား၊ လူမှားခေါ်တာတော့ မဟုတ်ပါဘူးနော်"
"အင်း သူတို့ မင်းကိုပဲ ခေါ်တာ မင်းနာမည်ကိုတောင် ရွတ်ပြလိုက်သေးတယ်၊ အာ ဒါနဲ့ "မနက်အရုဏ်တက်ချိန်ရဲ့ ပထမဆုံးနေရောင်ခြည်လေး"ရဲ့ တရားဝင် ပေ့ချ်ထွက်လာပြီလေ သွားကြည့်ကြည့်ပါဦး"
"ကောင်းပြီလေ"
ချောင်မော့ယွီက ဖုန်းချလိုက်ပြီး ဒရမ်မာ၏ တရားဝင် ဝက်ဆိုက်ဘ်ကို သွားစစ်ကြည့်လိုက်သည်။
အစီစဉ်ကြေညာသူ,ကွမ်းဝေက ဒရမ်မာ၏ တရားဝင် ဝက်ဆိုက်ဘ်၌
"ဒါရိုက်တာ ဖုန်းရွှမ်းရိုက်ကူးတဲ့ "မနက်အရုဏ်တက်ချိန်ရဲ့နေရောင်ခြည်လေး"က စက်တင်ဘာလ ၁ရက်နေ့မှာ စတင်ထုတ်လွှင့်မှာဖြစ်ပါတယ်။ လာမဲ့တနင်္လာနေ့ကျရင်တော့ ဇာတ်ကောင်နေရာတွေအတွက် အင်တာဗျူးဖြေရမှာပါ။ လစ်လပ်နေတဲ့နေရာတွေကတော့ အဓိကအမျိုးသမီးဇာတ်ကောင်၊ ဒုတိယအမျိုးသမီးဇာတ်ကောင်နဲ့ အရံဇာတ်ကောင်နေရာတို့ပဲ ဖြစ်ပါတယ်။ အဓိကအမျိုးသားဇာတ်ကောင်နေရာကတော့ ရွေးချယ်ထားပြီးပြီး ဖြစ်တာမို့ အဓိကအမျိုးသမီးဇာတ်ကောင်နေရာကို ရွေးချယ်လို့ပြီးတာနဲ့ နှစ်ယောက်လုံးရဲ့နာမည်ကို တစ်ပြိုင်တည်း ကြေညာပေးသွားမှာပါ။ အင်တာဗျူးလာဖြေမဲ့ မျက်နှာသစ်လေးတွေကိုကြိုဆိုပြီး အချိန်ဇယားအတိုင်း အချိန်နဲ့တပြေးညီ လာရောက်ဖြေဆိုကြဖို့ တိုက်တွန်းလိုက်ရပါတယ်"
သည်ကြေညာစာက နာရီဝက်မျှသာ တင်ထားသေးသော်လည်း ဖျော်ဖြေရေးလောကတစ်ခုလုံးကို အုံကြွအောင် လှုပ်ခတ်သွားစေခဲ့သည်။ ဝတ္ထု၏ ပရိသတ်များသာမက သရုပ်ဆောင်အများစုကပါ ထိုဒရမ်မာကို တစ်ခဲနက်အားပေးကြသည်။
ထိုဒရမ်မာကို ရိုက်ကူးမည့် ဒါရိုက်တာဖုန်းရွှမ်းက ဖျော်ဖြေရေးလောက၌ အလွန်နာမည်ကြီးသည့် ဒါရိုက်တာ တစ်ဦးလည်း ဖြစ်ပေရာ အများစုက စိတ်လှုပ်ရှားနေကြခြင်း ဖြစ်သည်။ ဖုန်းရွှမ်းက နှစ်စဉ်နှစ်တိုင်း ကြည့်ရှုနှုန်းမြင့်မားသည့် ဒရမ်မာများကို ရိုက်ကူးလေ့ရှိပြီး ထုတ်လွှင့်သည့် ဒရမ်မာများကလည်း ထင်မထားလောက်အောင် အားပေးမှုများ တစ်ခဲနက် ရရှိပေရာ သရုပ်ဆောင်အများစုက အောင်မြင်မှု ကြီးကြီးမားမားရစေရန် သူနှင့် လက်တွဲလုပ်လိုကြခြင်းဖြစ်သည်။
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
