စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
110
အပိုင်း (၁၁၀) ငါ့ကို နာမည်နဲ့ခေါ် (၂)
ချောင်မော့ယွီသည် ခေါင်းမော့ကာ ကောင်းကင်ကိုကြည့်လိုက်လေသည်။ မှောင်မည်းနေသော ကောင်းကင်ပေါ်တွင် လခြမ်းတစ်ခု ရှိနေသည်ကို မြင်ရသည်။
သူမ၏အသံသည် ပိုပျော့ပြောင်းသွားလေသည်။
“ မားမားမြင်နေရတဲ့လက လော့လော့မြင်နေရတဲ့လ နဲ့ အတူတူပဲ”
ကောင်ကလေးသည် ပို၍ပျော်ရွှင်သွားကာ စိတ်လှုပ်ရှားလျက်ပြောလိုက်လေသည်။
“ လက အရမ်းလှတာပဲ ဒါပေမဲ့ မာမားက ပိုလှတယ်”
“ပေါင်ပေ့လေးကလည်း အရမ်းလှတယ်လေ”
ချောင်မော့ယွီ ပြောလိုက်သည်။
“ လကိုမြင်နေရတယ်ဆိုတော့ အရမ်းနောက်ကျနေပြီဆိုတဲ့အဓိပ္ပာယ်လေ၊ လော့လော့လေးက လိမ်လိမ်မာမာနဲ့ အိပ်ရာဝင်ပြီး မျက်လုံးမှိတ်ပြီး အိပ်တော့နော်၊ ဒါမှ သားလေးက အရပ်ရှည်လာမှာလေ”
ကောင်ကလေးသည် သည်နေ့ညတွင် သူ့ဆန္ဒ ပြည့်သွားလေသည်။ သူသည် သူ့မာမားအသံကိုလည်း ကြားရသည်။ လော့လော့သည် သူ့အိပ်ရာသေးသေးလေးပေါ်သို့ ပျော်ရွှင်စွာတက်လိုက်ပြီး ပြောလိုက်လေသည်။
“ မားမား လော့လော့ လိမ်လိမ်မာမာနဲ့ အိပ်နေပြီနော်၊ တကယ်ပြောတာ”
ချောင်မော့ယွီ ပြန်ဖြေလိုက်သည်။
“ ဂွတ်နိုက်နော် လော့လော့လေး၊ အိပ်မက်လှလှမက်ပါစေ”
ကောင်ကလေး၏ နူးညံ့ပျော့ပြောင်းသော အသံနှင့် ပြောလိုက်လေသည်။
“ ဂွတ်နိုက် မာမား၊ မာမား လော့လော့လေးကို အိပ်မက် မက်ရမယ်နော်၊ လော့လော့လည်း မားမားကို အိပ်မက်မက်မယ်”
“ အိုကေ အိပ်မက်မက်မယ်လို့ ကတိပေးတယ်နော်”
ချောင်မော့ယွီသည် မနေနိုင်တော့ဘဲ သက်ပြင်းချမိသွားသည်။ လော့လော့၏ကမ္ဘာသည် အလွန်ရိုးရှင်းလေသည်။ အကြောင်းမှာ သူ့အတွက် သူ့မာမားသည် သူ့ကမ္ဘာကြီးတစ်ခုလုံး ဖြစ်ချေတော့သည်။
VOUS LISEZ
စီအီးအိုရဲ့ ဗီလိန်သူငယ်ချင်း
Roman d'amourချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
