گـێژاویے خـۆشەوېستۍ

1

♡︎ᴠᴏᴛᴇ & ᴄᴏᴍᴍᴇɴᴛ♡︎

♥︎♥︎♡︎♥︎♥︎
_____________________

𝑎ℎ𝑦𝑒𝑜𝑛-𝑑𝑜𝑛𝑔♧︎︎︎

لە کتێبخانەی زانکۆکەم بووم، بە تەواوی ماندوو بووم لە خوێندن چاوەکانم هیلاک ببوون و هەستم ئەکرد مێشکم ئەتەقێتەوە لەبەر ئەو هەموو زانیارییەی کە تێیدا پەنگم کردبوو.

لەم کاتەدا ئەبوو لە ماڵەوە بم، هەستم پێ نەکرد کە کات هێندە درەنگ بووە، بڕیارم دا شتەکانم کۆ بکەمەوەو بە پاس بچمەوە بۆ ماڵەوە.

١٩ ساڵ بووم ، دووەمساڵی خوێندنم بوو لە بەشی پەرستاری لە زانکۆی نیشتیمانیی سیۆل، تەنها دوو ساڵم مابوو بۆ ئەوەی تەواوی بکەم و شتێک لە ژیانما بکەم، وە وا لە دایکم بکەم کە شانازیم پێوەبکا.

دایکم لە بۆسیۆنگ ئەژیا، ئەوێ شارۆچکەیەکی بچوکە لە باشوری پارێزگای جیۆلا گەشتیارەکان جار جارە ئەهاتن بۆ بینین و تاقیکردنەوەی ئەو چایە سەوزەی کە پێی بەناوبانگە.

من بیری ئەو کاتانە ئەکەم کە بە جریوەی چۆلەکەکان بە ئاگا ئەهاتم و دواتر دایکم دەهات و دەیوت خواردن بدە بە ئاژەڵەکان لە باخچەی پشتەوە.

کە لە ماڵەوە دەردەچوم و زەوییە کشتوکاڵییەکانم دەبینی، زۆربەی جار ژنەکانی ناوچەکە سەرقاڵی کۆکردنەوەی گەڵا چاکان بوون.

ماڵەکەمان لە بۆسیۆنگ بە دیمەنێکی سەوزایی سەرنج راکێش دەورەدرابوو، من پێم باشتربوو ڕۆژانە ئەوشتانەی ئەوێ ببینم نەک بینا بەرزەکان و شەقامە قەرەباڵغەکان کە هەواکەیان پیستر ئەکرد لەوەی هەیە.

کەواتە ئەتوانن بزانن کە ئەزمونی ژیانکردنم چۆن بوو لە سیۆل، بەڵام من ورچە پەمەییەکەمم لەگەڵ خۆم هێنابوو، ئەوە لەلایەن دایکمەوە پێم درابوو هەستی ماڵەوەی پێ ئەدام.

لە ماوەی ئەو کاتەی کە لەوێ بەسەرم برد نەمتوانی بە تەواوی لەگەڵ ژیانیان بگونجێم، لە شێوازێکی ژیانی ئاسایی و سادەوە چوومە ناو ژینگەیەکی خێرا
سیۆل شارێکی شێتانە و وزە بەخش بوو.