#حـصـريـا ✅و فـقـط❌❌❌ عـلـى ڨـروب 🇩🇿Chronique DZ 🇩🇿👑
#ممنوع النقل حاليا 🚫
#كاملة
#كرونيك_جديدة_بقلمي:زينب
#تحت_عنوان:#المكتوب
«على عشقك لاموني»
#كوفر_تصميم:سلسبيل
بعد سقوط القناع كرونيك المشتركة مع سلموش رجعتلكم بكرونيك جديدة ومختلفة تماما كل الاختلاف #كرونيك_إجتماعية_واقعية_تحكي_على_رجولة_الحب_الخيانة_زواج_لحلال
كرونيك تحكي اكيد على حوايج نعيشوها كل يوم... راح نحكي على العلاقات من نظرة رجل ومن نظرة المرأة... رجولة الحقيقية ونيف والقلب لحديد صافي مايعرفش لغدرة...وقفة راجل منهم بعشر رجال... خيانة اقرب ناس و حب نقي صافي...حكايتي راح تحكي على اكثر من كوبل بطولة جماعية...نتمنى تعجبكم ونلقى فيها دعم حبيباتي لانو بيكم نتشجع....
#مقتطف:
قرب منها يحكي
###:وش تسحقي مني
###:نسحقك انت
###:علاه؟
هزت كتافها وقربت خطوة تشوف مع عينيه:لانو نحبك
هبط عينيه وعاود رجع طلعهم يشوف معاها يحكي:علاه على خاطر تحتاجي تحبي ولا اااا
حطت صبعها على شفافو مسكتاتو تحكي:اشششت ماحبيتكش لانو حاجتي نحب وماحبيتكش لانو عندي لفراغ وماحبيتكش لانو وحيدة....تءء حبيتك لانك آماني لأنو وقت نشوف معاك نحس الخوف راح وقت نكون معاك ننسى روحي...حبيتك بعيوبك باخطاءك حبيتك لدرجة لهبال تعرف وش معناها لهبال...حبيتك تكون امي وبابا وخويا تكونلي صديق...تكون صدر الي نتكى عليه...
هبطلها يديها يلعب بصوابعها بعدها هزها باسها يحكي
كون نقلك وانا مانحبكش
هبطت عينيها الي تعمرو دموع...تبسم وهزهولها بيديه الي وقت تحطت على دقنها خلاتها ترعش وسخانة تطلع مع وجها...عينيها في عينيه تستنى يكمل ثواني حتى رحمها ونطق وياريتو لانطق
###:مانحبكش(هبطت دمعتها الي تحصرت )نعشقك (فتحت عينيها من كلمة الي قالها...) عشقتك وقلب هذا (حط يدها على قلبو ) #مكتوب بإسمك...حبيتك وكنت اول حب...شربت الحب معاك والي قبلك الكل كاس مصبوب...عشقتك ولاموني على عشقك...ماعرفتش علاه؟ كل الي نعرفو معاك عرفت نعيش مايهمني في حتى حد .... لو كان تقوليلي هذي اليد تحكم في يدي وعمرها لاتتخلى عليا..ماتفرقنا غير موت وكومة تراب الي تتحط عليا ...وقتها نحارب دنيا حتى تكوني حلالي ومكتوبي
شهقت ودموعها تسيح تحكي
ربي يطول في عمرك علاه لهدرة هذي.... لكان مزال ماتعرفنيش خلي نقلك مدام هذا حبك (شاورت على قلبها بعدها على عقلها ) محال نفرط فيك ولا في هذي اليدين الي تمدتلي محاااال
#الادمن_زينب
