🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 53
تنفض في لقش وتنشر فيه... مقابلتها حليمة تسيق في بالكون...
وردة: مساء لخير حليمة... وش حوالك وين غاطسة امراة...
حليمة وهي تصب فلماء: هاني مع دنيا وين راح نروح...
وردة: والله عندك الحق دنيا لهاتنا...
حليمة: وش حوالهم لولاد....
وردة: الحمدلله كل واحد ومشاغلو...
حليمة: هذيك هي... ارواحي تشربي معايا قهوة نتوانسو عندنا مدة ما حكيناش...
وردة: خلي تدخل سلسبيل ونجي توحشت ڨصرتنا
حليمة: مالا نستناك...
وردة: إن شاءلله
تسمع فلباب تفتح وسولا تعيط...
سولا: ماااااما وينك...
وردة: اني في بالكون ننشر في لقش...
سولا: انت ولدك تعلم يرد صرف...
وردة: علاه راك تعيطي اصبري اني جاية...
نحات فاست علقتها وحطت صباطها في بلاصتو وعدات غسلت يديها...
وردة: وش كنت تحكي
سولا: ولدك ممعتصم تعلم يردلي صرف قتلو روح ماتلعبش في طريق...قالي درك وين خرجت...
وردة: شفتيه قتلو ماتخرجش راح يهبلني طفل هذا... روحي جبيه بسيف عليه...
سولا: ااا نزيد نخرج...
وردة: روحي يالا وش تستني...
سولا:دوك يطوشلي...ماتعرفيهوش انت
وردة:قلو ماما تعيط...
لست في رجليها مع خرجت حتى يقابلها حمزة وايمن واقفين مع بعض...جات العين في العين معاه تبسمتلو...اما هو هبط عينيه ماشافش حتى معاها...
حمزة :وين على خير...
سولا:بعتتني ماما نجيب معتصم...يعلب في بالون ماحبش يروحلي
حمزة:ادخلي منك بصح خارجة تجيبيه وقت هذا...يالا ارجعي على طريقك دوك نجيبو انا... معول على طريحة من يدي... ودار لايمن خلي الليلة ونحكو...
ايمن: مريقة صحبة...بلعقل عليه برك مزال صغير...
دخلت لامها تخرنن
سولا: شفتي تبعتي فيا... هاو حمزة عاركني كما شافني خارجة...
وردة: عادي وش فيها...
سولا طالعة في دروج وتحكي: وشمن عادي تحبيلي غير البخص...
وردة: انت الي سونسبيل هذا مكان... اني خارجة رايحة عند خالتك حليمة كما يجو خاوتك حطيلهم ياكلو...
سولا:ابه ربي يسهل...
