🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 15:
عند ياسمين
فاطيمة: يزي بلا بكاء... ياك تعرفيه دايما نفس لحكاية
ياسمين: غلبت والله حابة نهج حابة نخليلو دار ونهج كل مرة حكاية مرتو راح تهبلني كون جات وحدة اخرى مرمدتها بصح تربية ماتسمحش... دايما تجيني يما قدام عيني وقت تقلي ماتسمحيش في خوك مرتو مارتحتلهاش... كوني انت سند تاعو في دنيا
فاطيمة: هو سمح فيك علاه ماتسمحيش حتى انت بنادم من لحم ودم... تغلبي من كثر لهم والمشاكل
ياسمين: والله الحمل تقال ماعدتش نقدرعليه... وزيد هدرت ناس الي ماتسكتش خلاص... انا خدمت الليل ماخلاونيش عليها يا نخرج بدار وحدي... هذاك هو يقولي عليا هاملة ونتع زنق
فاطيمة: حلك هو زواج وانت نهار بطولو تتشرطي مابقتيش صغيرة راك في 32 سنة...
ياسمين: على عينيكم مالقيتش هذا راجل الي يملالي عيني... ياو الي يجيني يقلي قداه تسلكي قداه من عام خدمتي مالا راكي راقدة عليهم...تقول راح يشري دجاجة تبيضلو ذهب...ايا فك عليا يايكون راجل وسيد رجال من خزرة نموت يا فك عليا من ز*مر
فاطيمة: هقعدي مالا لدل نتع صفراء حتى وين يتفلقلك عرق تموتي وهك تتهني وهما يتهناو
ياسمين: مالقيتش حل هذا الموجود حاليا... وش راح نقلك انا نخليك نروح نغسل لماعن ونتخمد غدوة نحكو إنشاءلله
فاطيمة:إنشاءلله وماتقعديش تبكي...اوكي
ياسمين:اوكي حبيبة في لمان
قطعت تلفون وتعدات للكوزينة...طابلة كما راهي ماكلين ومخليين كل شيء مطيش...حتى حاجة ما رجعتها في بلاصتها تفنيين والكسر...تستنى فيها هي الي ترد كلشيءبدات تهز وتغسل مرة على مرة تحط حاجة في بلاصتها من حاجة لحاجة حتى دخلت عليها نورة تحكي
نورة:ديريلنا شويا تاي ومكسرات اني شريت اليوم حطيهم معاهم وجيبيهم لصالة رانا ساهرين لتم
دارتلها بتصوير بطيء تشوف معاها:مانديرش حابة تديري ديري وحدك...
قربتلها نورة وتحكي معاها بتحدي:لا تديريه انت وتجبيه لعند رجلي وتحطيه وانا نشرب منو... وانت تشوفي عادي
ياسمين:تعرفي تحلمي يا صفراء اه احلمي... ورجعت تمسح فلماعن..
نورة:اممم بانتلي تحبي على كف اخر من عند الياس درك ثاني يبرد بيه على قلبي بانتلي ماكفاكش نتع قبيل ...
ياسمين:شفتي كي نكون قاعدة ليك اعملي وش تحبي اوكي...
نورة:ههههه ماتنسيش روحك عايشة في داري الالة تعملي وش نحب
ياسمين:دارنا مش دارك صلحي معلومتك...ماتنسيش حتى انا دراهمي فيها..
نورة:بصح مكتوبة باسم شكون اممم
ياسمين:باسمنا لزوج الالة... بانتليتحبي تستغبي اممم
نورة:تءتءغالطة باسم الياس وإسمي حنونة... راك مضيتي على اوراق تنازل مع اوراق شراء نتع دار هههه....
ياسمين: وشي... كفاااااااااااااه
