💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 113:
طاح الليل كل واحد راكش في دارو... لولاد قاعدين مجمعين لكل في لڨراج عند سفيان... شيشة عاملة وتايات لزوم لڨصرة... لقلوب حايرة اما لمة مع لحكايات والبرد الي نزل خلاهم ينساو ويحكو كل واحد من جيهة...
سفيان: هذا كل يخرج منها هذيك فقصة...
ايمن: لا صح مش نرمال عندها وحد الوجه صحيح... كون انا منها نخبيه هذاك الوجه... مش زيد نقابل بيه...
حمزة: يا ودي فكنا من ### وجدة ### مديتها في روحها تحساب نشوف بعين خرايبها ونفوتها هههه في بالها طايح ميت عليها... تعرفو وش نجبد قلبي من بلاصتو ولا ندي ### كيفها
سفيان: انا الحمد طحت في لالات لبنات...
شاف معاه ايمن على جنب: اممم على هذيك راهي عند ماليها... تحساب ضرب رجلة ### مانعرف وش فيها عذيك طاسة...
سفيان: دمي حامي مانحملش ... وزادت عليا لغيرة وش نعمل ضربتها غالط نستعرف... وهاني نخلص...
حمزة: بلعقل برك انا ثاني طفلة مزالها صغيرة... روح معاها وحدة وحدة... تغلط علمها مش تضربها...
سفيان: ماتزيدونيش مانيش ناقص...تفاهمت معاها نكريلها دار من غدوة نحوس إنشاءالله...
ايمن:حسب شوفة كل راح نحوسو على لكراء...
حمزة:وانت علاه ماتقليش راح تزوج؟...
ايمن: اواااه وينا زواج ثاني... حليمة حابة تكري في بلاصة خلاف...
سفيان: من نيتك انت وحليمة علاه تخلو داركم الي والفتو ووالفت بيكم وتكرو وش سبة..
غمزو ايمن: حابة تبدل كفاه ندير انا... وش تقول هي هذاك هو...
حمزة: والله غير ربي يهديك انت وهي... خلي نفرز اموري ونلتى بيك... قال تنقل سايبة هي...
سفيان: فكنا منو راهو يخرط برك من بعد نريقلو خيوطو باين يحتاج صيانة... قولي انت وش عملتي في حكاية معتصم... كشما لقات لا بوليس...
حمزة: اواااه مكان حتى حاجة جديدة... حتى (صونى تلفونو...شاف معاه ) لوالدة لولاد تعيط نروح برك كشما تحتاج...
ايمن: كشما جديد عيط...
سفيان: بينا تلفون سمعت...
حمزة وهو ماشي: مريقلة ليزوم...
~~~~~
قاعدة بحداها تمسح على شعرها... تشوف معاه كفاه راقدة ومسبلة... دورت راسها على البيت الي كل حاجة مطيشة في لارض... تحل الباب داخل من هاز كأس ماء مرقي...
بوجمعة: وردة شربيهولها ممكن ترتاح...
وردة: هذا وين غفات من بقيل وعي تبكي...
بوجمعة: مافهمتش وش صرالها حتى عملت هك...
وردة: تكون من ضغط الي عايشة فيه ليامات هذي برك...
بوجمعة: ربي يقدر الخير انا في بيتي كشما يكون قولولي...
دارت تشوف مع بنتها بعدها حكات...
وردة: سولا ماما نوضي اشربي كاس ماء هذا باه ترتاحي...
تململت في بلاصتها تحس في راسها ثقيل..
سولا: ماما...
وردة: اشششت اشربي ترتاحي مش وقت الهدرة...
داتو من عندها شرباتو فم واحد بعدها شافت معاها بعيون مدمعة: ماما ارقدي معايا اليوم...
وردة: اكيد نرقد مع بنتي... نروح نشرب دواية ونجيك اوكي... ماترقديش استنيني...
سولا: اوكي ماما نستناك (ورجعت تمدت على سرير تشوف مع سقف...)
