💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب وسلمى 🖋
حلقة 117:
سفيان يحكي..
جاني تيليفون من عند حمزة خبرني بمعتصم لي فاق....فرحة ماقدرتش نوصفها ولا نعبر عليها كنت ماشي لعندهم ...حتى في نص طريق عيطلي مول الدار خليت ميساج لحمزة ومديتلو الموقع خبرتو وقت يفض يلحقني حبيت حد يمدلي رايو و أيمن مش موجود اليوم...
اتكلت على ربي وطول توجهت للسيد لقيتو برا العمارة يستنى فيا...
سفيان: السلام عليكم(مديت يدي صافحتو)
#####: وعليكم السلام ورحمة الله وبركاته..مرحبا بيك ندخلو ولا تحب نجوزو للقهوة نشربو شي حاجة قبل؟
سفيان: خلينا فالدار منبعد ربي يعمل تاويل (دخلنا العمارة كانت نظيفة )
####: كاين زوج ديار وحدة f3 وحدةf2 نوريهملك في زوج ونتا شوف لي يوالمك والسومة نساعد خويا رانا حباب... مهم تخرج راضي من عندي...
سفيان:صحيت ا صاحبة ربي بحفظك والله تعرف زارب بيها نعرف كسىتلك راسك...(وصلنا للباب جبد المفتاح فتح دار ودخلنا بقا يوريلي دار صغيرة من زوج بيوت وكوزينة...متحوفة صراحة اما تبقى صغيرة... )
###:نشوفو الدار لخرا منبعد قرر اي م (رن تيليفوني لقيتو حمزة استاذنت وهزيت عليه)
سفيان: وا الرجلة وينك؟
حمزة: راني التحت
سفيان: اطلع لل***** تلقانا
(دقايق كان عندنا دخلنا للدار الثانية كانت واسعة اكثر عجبتني طيق طل على شارع... بيوت واسعين كوزينة اوسع... بقينا ندورو فيها وكل مرة نثبت على حاجة ونيقسيه وين نشوف حاجة... بعدها نطقت
سفيان:في زوج ملاح و نظاف مي هاذي مليحة واسعة كثر نظن راح ناخد هذي وساف مع حمزة يساور فيه حتى نطق بياع...
####: واش قلت حبيبنا وناها فبهم الي عجباتك..(يحكي وهو يشوف في حمزة)
حمزة: انا اللولة ماشفتهاش بصح مادام في زوج نظاف يشوف هو واش الحجم لي يوالمو ويساعدو... ويعتمد وخلاص مهم تكون بلاصة امنة مافيهاش سرقة...
####: ااا في هذي كونك متهني رجلة... على ضمانتي هذي..
سفيان: كي عاد هك هاذي احسن راني حسمت امري بعد سمانة راني نجيب الامانة ونجيك
###: وقت ما ساعدك حبيت تدفع على زوج مرات ما نزربش خويا... وكونترا نوجدوها من درك تحب نخدمها على عام ولا على 6 شهر شوف الي يساعدك
سفيان: صحة الرجلة يخليك ...حمزة هاذي قريبة للدار راك تعرف مهما يكون تبقى يما ولازم نعدي ليها ونكون قريب كاش ما يصرا... وهك نكون مهني حتى على لمرأة... قريبة لخدمتي وكل شيء...
حمزة: عندك الحق نعرف خويا راجل (ربتلي على كتفي وكمل يحكي مع الراجل وين خلاني نخمم في كلامو )صاحبي ياك ما واعد حتى واحد بدار لخرى...(شاف معايا سفيان )
سفيان: غير الخير لشكون...
حمزة غمزو : من بعد ونفهمك... ودار لراجل وش قلتي حبيبنا
###: لا ما واعد حتى واحد مرحبا بيكم راني هنا... وشنو خليلي رقمك... هذا رقمي باه نتواصلو لكان بدلتي رايك... خبرني وماتطولش عليا برك وىجعلي بلخبر...
تصافح معاه حمزة يحكي: صحة رجلة بربي اليوم ونردلك لخبر...
