🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 89:
دخل للبيت من غير مايشوف معاها... جبد دراهم من لخزانة ودارلها...قاعدة فوق سرير رجليها ترعش... ودموعها تسيح صدرها يطلع ويهبط بسيف ترد في نفس... عقعد حوجبو وكور قبضت يديه
سفيان: شوفي يابنت ناس الي صار اليوم مش راح نفوتهولك بالساهل...وامانيش حاب نتعاركو لهنا ونزيد نكبر لحكاية وتع دار يسمعو...
جوجيتا: ههه شكون الي يفوت لشكون... ياك قبل لاتهز يدك وتضرب كنت فهمت لحكاية... اما انت لا ايدك سبقاتك لضرب... عيفتيني في روحي
سفيان: شفت كلشيء بعينيا...علاه عطيتك المفتاح اااه ... جاك تلفون علاه ماتدخليش لطموبيل وتحكي... يعني انا معوق ماكنتش قادر نقلك استنيني برا شوي حتى نجي ااااه... علاه هك خفيفة علاه مستهترة راسك خشين تعملي غير الي في رايك ... قلتهالك قبل ونعاودهالك مابقتيش نتع راسك راك مرت راجل تفهمي ولا ماتفهميش... وانا غيار نغير على عرضي قبل لا نديك من داركم فهمتك وعاودتلك... جبتك عروستي تحديت دنيا كل على جالك حتى من امي الي قاعدة لبرا... لانو كنت نفس الي نتنفسو...
جوجيتا: قول جبت خديمة لامك في نهار ولعبة ليك في الليل... انا وين من هذا الكل اااه وين نهار كامل سب ومعايرة... نهر كامل نهبش فيكم بصفى ونية وفي لاخير هذا كفويا ضرب اسفيان... شوف يدي شوف... ولا وجهي الي ضربتيه على لزجاج من غير رحمة....
سفيان: نعرف روحي غلطت اما ماراحش نطلب سماح مرة هذي لانو... انت بتهور نتاعك كان ممكن واحد يتعدى عليك بلموس على جال تلفون ولاحتى يسرقلك صاك... تحسابي دنبا هانيا... حطي في احتمالك هذا طفل حطلك سكين في رقبتك على جال تلفون صراتلك حاجة ااااه... وش كنت نعمل وقتها اااه وش كنت تستني مني نعمل وقتهااا...
جوجيتا: هذا مايبررلكش الي عملتو...
سفيان: وانا مانحتاجش نبرر...
وقفت من فوق سرير وراحت للخزانة: نظن وفات الهدرة وصلني لدارنا...
سفيان: تسمى حابة تروحي وتخليني اااه... حابة تخلي دار جمانة...
جوجيتا: هههه شفتي سفيان وش سميتيني اااه جمانة معناها خلاص جوجيتا بح... نحب نروح لدارنا نحب نرتاح... ماعدتش قادرة نتحمل اكثر... ما عنديش شهرين وقهر نتع دنيا الكل حسيت بيه...(تهز وتحط في قشها تلم فيه...وهو يشوف معاها...)
سفيان: بانتلي مابقاتش هدرة انت الي خبيتي.... وجدي روحك شوي ونجي نديك..(خرج وقفل الباب...)
اما هبا بقات تشوف مع لفراغ... ودمعتها ساحت... يعني سبل فيها بسهولة هذي... يعني لدرجة هذي ماتعنيلوش...
خرج واقف قدام دار دخان في يديه يرص على سنيه... مش مأمن الي قاعد يصير... حبست بحداه طموبيل وهبطت كارو...
حمزة: صحبة مابنتيش اليوم...
سفيان: عندك الحق شوي قضيات فرزتهم هذا وين كنت جاي عندك...
حمزة: ماعندك علاه جاي... مكان حتى حاجة جديد... وشبيه وجهك تقول كنت تحارب...
سفيان: خلي من بعد نڨصرو فيها انا نخليك درك...
حمزة: مرقلة من بعد...
