🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 7:
بعد ليل طويل شرقت شمس يوم جديد...
في دار وردة هذيك الام زمنية... مراة الي تتعب ومايهمهاش تعب.. مبكرة على صباح دارت زوج خبزات كسرة اليوم ويكاند تحب كما ينوضو يفطرو عليها سخونة... حطت لحليب والقهوة على نار نقصت عليهم وراحت تفيقهم... دخلت لسولا لبيت مظلمة خيط شمس ما داخل وهي مغطية على راسها تقول ميت يالطيف...
وردة تحكي
سبحان الله مافهمتش جيل هذا كفاه مصنوع...(فتحت ستار وحلت طاقة دخلت ليها نسمة باردة تفيق...قابلها ايمن فايق يتكيف فلبلكون بقات تشوف معاه وهو ماشافهاش من بعد دارت لسولا تشوف معاها ) عمرها لا حباتو طفل هذاك ولا قدرت دخلو لراسها صحاب ولدها الكل عادي الا هو... ردت ريدو وراحتلها قربت منها
وردة: ياطفلة تقول ميتة.. سلسبيل يالا نوضي وشبيك ماتفيقيش واحدك... يدخلو عليك للشمبر يغتصبوك ويكملو ويخرجو وماتفيقيش...(بعدت سولا لغطاء على راسها عين مفتوحة وعين مغلوقة تحكي )
سولا: صباح الخير ماما علاه هك على صباح مانغيضكش ولا اي جمعة نهار الوحيد الي نصبح راقدة فيه سمانة كل مبكرة...
وردة: علاه تغيضيني يالالة... راقدة ل 9تقول عزري كيف خاوتك نوضي نوضي تفطري شغل كبير يستنى فينا... تعرفي ليوم نتع الميناج وانت مزالك مطيشة لهنا وزيد حابة ترقدي...ندادك راهم يبكرو على 6 ولا 7ينوعو في لحلوة وانت غير ريح
سولا: اوووف علاه ياربي راهو عندي باك زح ما نقراش على روحي... تحبيني نطلع صنافة كما انت لمن بربي ااااه وش عملت انت بتصنيف..
وردة: شكون قلك ماتقرايش... اقضي قضيتك ونهار كامل ليك اقراي وش تحبي... وانا معاك نعاونك...وشكون قالك انو ماعملت والو بتصنيف...هاك تاكلي منو وتعبي في كرشك..
سولا: باهي اسيدي باهي...
وردة تفكرت لحليب: وهاااااا لحليب(ناضت تجري ) خلات سولا تضحك
تلقات مع حمزة خارج من كوزينة...
وردة: بعد بعد لحليب راح يسيح...
حمزة: ههههه طفيت عليه نار لحقت عليه صوا صوا... ارواحي لهنا (باسها على راسها يحكي ) تعرفي يما وقت نفيق ونشم ريحة لكسرة... نحس بنشاط مش نرمال... ربي يخليك لينا وريدة تاعي...
وردة: بلا مزيتي وليدي... واجبي هذا... روح فيق خاوتك عودو باباك جاي نفطرو لكل مع بعض...
حمزة: حاضرة لحبيبة تاعي... ودخل لبيتو ضرب خوه بلمخدة... نوضو مخلوع يسب فيه
معتز: نعلبو رطسة تاعك هك ينوضو لعباد تقول حمير... ###تقول ن###راسي مع الحيط
حمزة: هههه شكون قالك بالي راك عبد...لحمير وخير منك...نوض نوض بلا تفنين نهار طولو راقد...
معتز: اخطى ***على صباح ربي... نشوف فيك مبكر اليوم... وجاي ###تنوض فيا
حمزة: نخدم عادي نبكر... وانت نهار كامل كما شكارة نتع سيمة مطيشة
معتز: اقعد اق*تل في روحك تجيبها في صحتك .. انا هك راني مليح وقت نلقى خدمة تصلح هاني نخدم عادي...اما نتعب روحي نو مستحيل وانت موت بلعرق على جال ا..
حمزة: غير ماكلاه تكمل كرهتها لهدرة هذي... ونا كل مرة نجاوبكم نفس جواب (خرج وخلاه يشوف معاه يحرك في راسو...) عييتوني والله
