🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 96:
«بنفس القدر الذي يمكن للحب فيه أن يجعلك سعيداً، يمكنه أيضا أن يجعلك هشاً ونزقاً ومرتهناً وبائساً وقابلاً للكسر...»
فات نهار اخر طاح الليل كل دار حكاية وموقف... بعدها طلعت شمس نهار جديد...اشعتها الي ضاربة في وجهو خلاتو يغير ملامح وجهو... هز لمخدة حطها على راسو... مدة وعاود نحاها و حل عينيه بلقدرة شاف مع ريدو نتع طاقة... نفخ كاره هز راسو من لمخدة تقول فيه اطنان... هبط من سرير ماشي بخطوات متمايلةوصل لريدو رجعو رجع ظلمها من جديد... عاود رجع لبلاصتو هز تلفون يشوف في ساعة ...دار يشوف ويثبت معاها كفاه راقدة عينيها منفخين... تراص نتع الضربة محلم على وجها... هبط عينو يشوف مع يديها الي رابطتها...زاد قربلها اكثر هزهالها باسها خلاها تفيق... جبدت يدها من يدو وتقعدت راجعة لوراء متلمية على روحها... تشوف معاه وعينيها مدمعين...
سفيان: لدرجة هذي عدت نخوفك؟... جوجيتا لدرجة هذي نافرتني... احكي يابنت ناس...
هبطت من سرير لبست في رجليها من غير ولا كلمة تمشات خطوات للباب حطت يديها راح تحل الباب... حتى لقاتو بحداها قفل الباب بلمفتاح... حاط يدو على راسو بعدما حس بدوخة...
جوجيتا: سفيان بعد خليني نخرج نغسل...
سفيان: ماكانش خرجة حتى نحكو...
جوجيتا: هدرة خلاص فات وقتها... البارح حكيتي وش حبيتي وانا ثاني نفس شيء... من غير مانطولوها على بعضنا خلاص وفى #المكتوب...
سفيان: تحكي صح معولة على روحة لداركم؟ ... وانا ماخممتيش فيا... كفاه تروحي وتخليني اااه...جاتك عادي امرأة...
ضحكت بعدها رسمت معالم القوة تحكي: وانت خممتي فيا اااه... قول خممتي... شوف رقبتي وجهي شوف يدي سطر يق*تل... خممتي قبل لا تمد يدك عليا تخدم عقلك... ااااه انطق ولا غير انا الي نغلط انت ماتغلطش... اكييييد ماك انت راجل.. تعمل وش تحب وانا مرأة عليا نقبل ونسكت... اما نقلك جوجيتا ماتت من وقت بديت تضربني... حملت سم الي تشرب فيه... تحملت عنفك وتحملت اهمالك ليا مطيشني هنا تقول رجل كرسي... اما لاااااا فاض بيا الكيل.. خلاص ماعدتش نقدر... ودرك حل الباب خليني نخرج لازم نروحو...
سفيان: نعرف غالط وقت ضربتك... اما انت ثاني ماحسيتيش وش حسيت وقت شفت واحد خلاف شاف فيك نفس شوفة الي نشوفهالك...دين### نعشق في دين ### نغير عليك مانحملش الله غالب... ماقدرتش نقبلها سامحيني جوجيتا... سامحيني ياروح والله من غيرك محال... وقت بعدت غير يدك عليا حسيت دنيا تخنق فيا... ياصار تروحي وتخليني...
جوجيتا: سامحني مرة هذي مستحيل نفوتها... حوايجي واجدين نظن هذاك هو الوقت.. خليني نفوت راك تعطل فيا وفي لاخير هذي هيا النتيجة نروح لدارنا... لانو من دخلت لهذي دار شفت غير المر... مسبات ومعايرات تطياح قدر وضرب من فوق بونيشة وخلاص... علاه وش لزم عليا الهم هذا... انت امك تبخر بريحتي... هاني راح نخليهالها... خلي تجيبلك الي تحب هيا... انا خلاص ماعدتش ننفعك ولا ننفع نكون معاك...
سفيان: شوفي يابنت ناس... كون يخيطولي لحمي على لحم مرأة اخرى مستحيل نقبلها ولا نحبها ولا تدخل فراشي مرأة من غيرك... انت راك روح... نعرف عيشناك في ظرف شهرين الي مايتشاف... اما انت اصبري عليا... وعد نلقى حل... زيد اصبري شوي... وراس الحب (قرب باسها على جبهتها...حتى دمعتها الي من صباح تخبي فيها طاحت وبعدت عليه تحكي )
جوجيتا: فات الحال سفيان على لهدرة هذي. قربت للباب ودرة المفتاح راح تحلو سبقها حلو وخرج قفل علاها من برا يحكي
سفيان: سامحيني اما مستحيل نفرط فيك مستحيل... خرجة من دار انساها...
تعيط وتضرب على الباب جوجيتا: أخرتي نخرج مانبقاش هنا... تسمع فيا مانيش قاعدة... طول فيها على روحك
