🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 78:
ماشين مع بعض بعدما خرجو من عند خوه...
حمزة: درك مكان حتى جديد غير انو راقد...
ياسمين: امممم إن شاء يفيق... درك شفتيه تقدر تروح وتريح روحك شوي...
حمزة: نستنى نتع دار يجو ونروح...
عقدت حواجبها: علاه كمل يجو وش يبدلو... وزيد مايقدروش يشوفوه...
حمزة: تعرفي مايقدروش يتهنو...
ياسمين: اما هذا شيء يتعبهم برك... مهم انا نخليك...
حمزة: ايه سامحيني لدرك مزال مافطرتي...
ياسمين: موالفة نصبر لوقت لغداء وخلاص...
حمزة: تحبي نجيبلك فطور انا قاعد قاعد نستنى
ياسمين: اخاااه من غير ماتعب روحك... شافت مع ساعة ونطقت سامحني لازم نروح...
ماشيا لبيروها حتى تلقاتو...
ياسمين: خير انشاء الله تقول تعس فيا...
ايامة: ياك قتلك بالي نسحقك في موضوع لمريضة وسام...
ياسمين: ايه قلتيلي ادخل للبيرو ونحكو... نتمنى تكون لقيت المشكل...
اسامة: تقدري تقولي لقيتو...
قعدت على لكرسي وشاورتلو على لكرسي يقعد... قعد وحطلها دوسي فوق بيرو...
ياسمين: هذا تقرير...
أسامة: اممم هو اقرايه...
حلات دوسي تقرا فيه مرة على مرة تكمش ملامح وجها... بعدها طلعت راسها تشوف معاه ونطقت..
ياسمين: (cardiac amyloidosis)«داء القلب النشواني» أو «الأميلويدي» لااااا
حط صبعو تحت لحيتو مكالي يديه مع البيرو: ايه هو بذات...
ياسمين شافت معاه بحيرة: بصح المرض هذا نشوفوه عند لكبار فوق 65 سنة... وانا كفاه مافقتلوش...
أسامة: اولا مش اختصاصك انت جراحة عامة... وهذا مش تخصص الي تقدري تكشفي هذا المرض... ثانبا هذي حالة نادرا جدا لان تشخيصها يكون صعيب بنسبة لصغر سنها...
ياسمين: وانت كفاهحتى شخصتي الحالة...
ضرب يدو على رجليها وراح جيهتها في لبيرو وهبط عليها حطو صبعو يوريلها فوق دوسي...
اسامة: شوفي هو تشخيص نسيجي تتفرع ضمنه بزاف أمراض مختلفة. وكيفاه يتكون هذا المرض عن طريق ترسب «البروتين النشواني» في الأنسجة الحية والأعضاء، شيء الي يخلي مرض يظهر وسماوه بالنشواني لأن صبغة بروتين الأميلويد تشبه صبغة النشا. ومادة الأميلويد هي مادة بروتينية تتكون من خيوط رقيقة خلاص و دقيقة بصح مش قاسية ومش متفرعة وفي نفس الوقت ماتدوبش وماتتحللش ونفس شيء ماتترسبش خارج الخلايا
ياسمين: وش لاعراض تع المرض حتى قلتي هك...
