المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 124:
حليمة تحكي...
بعدما عيطت لفضيلة وحكيت معاها على بنتها.. طفلة حلوة ومزيانة ماكملتش قرايتها عطاها ربي حقها من رزانة ولسان لحلو عقالة... صح تمنيت تكون سولا من مكتوبو اما الله غالب ... هذا الي كاتب... طلعت لعندو نحب نفض لحكاية على بكرى مانبقاش نتعطل.. دخلت عليه كان متحكي يحب يرقد ...قعدت بحداه وصفنت
ايمن: هااا حليمة وين رحتي...
حليمة: غير هنا... شوف وليدي من لخر... راني حكيت مع فضيلة...
ايمن: شكون فضيلة ثاني...
حليمة: ام طفلة الي راح نخطبهالك... لا كتب #المكتوب
تنهد يشوف معايا: راني نشوف فيك زاربة ومخيطتها من قبل لا...
حليمة: ما خيطت حتى حاجة... انا خممت في مصلحتك... وقت جبتك لحمة وحطيتك بين يديا حلفت بيمين قاطع انو دايما نوقف على فرحك ومانخلي وليدي حاجة تقلقو... وقت تزوج وتجيب لولاد راح تفهم قصدي ... صح ماجبتكش من كرشي اما نحبك وربي الي يعلم...
ايمن: وراس ميمتي نعرف... انت خيطي وانا نلبس...
حليمة: يعيشك وليدي انت غير اقبل برك هذاك الي يهمني...
ايمن: حكيتلهم على حكايتي يما...
حليمة: حكيت وليدي وقاتلي امها يكون راجل وفحل هذيك الامور ماتهمش تهم تربية والا خلاق... وبنت من اليوم ليه
ايمن: إن شاءلله خير...
حليمة: تحم راني حطيت موعد باه تروح تتلقى بيها...
وقف يمسح على رقبتو: لا يما غلطتي ياك طالبها في لحلال نشوفها بطريقة شرعية... يعني نشوفها في دار باباها مش في طرق...
حليمة: باهي رايك والبراكة... انت ققر برك وانا نقلهم وقتاه نروحو تشوفها...
ايمن: شوفي الي يساعدك...
~~~~~~~
سعيدة: ها ولد كرشي عملتي رايك ودرتلها دار... هذي ماتكون غير كشما عاملتلك...
شرب جغمة نتع تاي يشوف معاها ببرود: وش راح تعملي طفلة من ايام مطيشة في دار بوها.. من حقها تسكن وحدها...
سعيدة: انت مافاهم شيء... وش فيها لاخدمتلها حاجة زايدة... اااه ولا في دارها مش راح تخدم تقعد قاعدة ودار تخدم وحدها...
يوسف: وانت وش راحلك... خلي طفل يدبر راسو كما عشتني انت يعيش حتة هو كما يحب...
سعيدة: شوف اسيدي هاني نشوف مش عاجبك الحال عليها انت ثاني...
يوسف: ايوااه انت قلتاها بفمك ودرك قص علينا لحكاية لدمة غير وجاع الراس...
سعيدة: تعرفو ترجلو غير فيا... ارجل على مرت ولدك الي هاجة ومخسرة ولدك دم قلبو...
سفيان: انا نوض قعدة حرمت معاكم...
يوسف: وانا ثاني نايض اما مع الوقت ونوريلك رجلة كفاه دايرة الالة سعيدة...
