🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 102:
طالع هو وامو في دروج نتع سبيطار باباه وراهم...
وردة: زعمة ليوم نقدر نشوفو... يومين ماشفتوش... لو كان حتى 5 دقايق...
حمزة: والله مانعرف انت روحي اطلعي دوك نسقسيلك ونجي...
وردة: ماتطولش عليا وليدي...
حمزة: صحا يما هاو ليك كرسي اقعدو فيه...
بوجمعة: مايخرجوناش زعما...
حمزة: علاه يخرجوكم هذا قاعدين كما ناس الكل... شوي ونجيكم...
ماشي يزرب في مشيتو طالع للطابق الي فيه خوه... يحوس على طبيبة... شاف فرملية حبسها يسقسي...
حمزة: ختي سامحيني نسقسيك... حكيمة ياسمين وين نلقاها...
فرملية: عندنا اكثر من طبيبة باسم ياسمين... وشمن تخصص هي...
حمزة: صح عندك الحق نظن جراحة عامة...
فرملية: ااا وي شفتها وين العناية...
حمزة: يعطبك صحة وسامحيني عطلتك...
زاد مشا شويا بشوف فيها واقفة مع وحدة اخرى وصل بحداها يحكي...
حمزة: صباح الخير حكيمة...
دارت تشوف معاه تبسمت اول ماشافاتو: صباح الخير...
حمزة: مكانش خبر جديد حكيمة...
ياسمين: درك وين كنت معاه مكانش حتى تطور...
حمزة: يعني صح 10 ايام مكانش تحسن... تنحوولو Machines؟
ياسمين: مع الاسف oui...
عصر قبضة يدو وجهو حمار عينيه تجمعو فيهم دموع يشوف معاها نفس نتاعو يخرج فيه بسيف حمزة: كفاه يارب العالي كفاه...نخسر خويا في جرة رعيان ... غلطة خلصناها غالية...(رايح جاي يمسح على رقبتو يحس في اعصابو تشبكت...يحب يعيط يحب يكسر...حاب يجهل يتمنى لوكانو بحداه راو عطاهم حقهم...ضروه في خوه قلبو صغير نتاعو تربية يديه... دارلها يحكي ويشوف معاها ...) مكانش حل حكيمة... شوفي كفاه تعملي والله امو تموت من وراه... راهي حالتها ماتشكرش... وزيد من صباح حابة تشوفو... حاكمة روحها على شعرة...
ياسمين: نعرف والله كبدة صعيبة... اما هذا قصاء وقدر ماعندنا مانعملو..
حمزة: اوووف يا رب رحمتك... حكيمة ممكن تخليها تشوفو هي والوالد... حتى شوي... من صباح يستناو..
ياسمين: اكيد عيطلها تطلع...
ماصدق قالت وي جبد تلفون عيطلها طلعت تجري...
حمزة: طلب اخر مرة نعرف كثرت عليك
تبسمت معاه واقفة تشوف مع لزجاج: تفضل...
حمزة: ماتخبريهاش بحكاية 10 ايام...
شافت معاه بعدها تبسمت جبدت نفس تحكي: تمنيت لو كان عندي اخ كيفك يخاف عليا ويحبني كما انت تحب خوك... تمنيت لو كانت ماما حية (هبطت دمعتها خلاتو يدور يشوف معاها... ) تمنيت نكون وسط عايلة مترابطة كما عايلتك... قهرتي في خويا الي ماسمع بيا ولا العايلة واحد ماعلابالو بخوه مسحت دمعتها تضحك هههه.. بصح هذا #المكتوب
توله من رقبتها فيها تراص نتع صوابع حمزة: نظن تراص الي على رقبتك...سبتها خوك ولا انا غالط...
مسحت على رقبتها عدات صوابعها على تراص...
ياسمين: هههه حكاية طويلة... مش وقت نحكاه ولا حتى نحب حتى نحكي فيها...
حمزة: راحتك اما نقلك... عندك الحق حلاوة العايلة وترابط مع بعض يخليك تكون مرتاح وتحب تعيش... مانعرفش الي صاير معاك ولا وش حكاية دموع الي نشوفهم كل مرة في عينيك وقت نسقسيك على خويا... اما نقلك انا لهنا في اي وقت تحبي تفرغي قلبك نسمعك... نعرف غريب عليك وعرفتيني من يومين اما راح نتلقاو بزااف وماتعرفيش على #المكتوب كفاه...
وصلو بحداهم وردة وبوجمعة قصو عليهم الهدرة.. دارتلهم تحكي
ياسمين: دقيقة مدام نقلهم يعطوك وش تلبسي باه تدخلي عندو... بعدها يدخل مسيو
وردة: يعيشك ربي يفرحك بنبتي... وقفتك معانا دين على رقبتي...
ياسمين: هذا واجبي مدام ان شاء الله يفرحكم ويفيق...خلي املك بربي كبير...
وردة: سبحانو حنين كريم...
