المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 138:
ياسمين تحكي...
بعدما عطاني مولاها المفتاح..ديت Récupération ثلاث ايام تاعي... مسحت لحيوط من لغبار... وزجاج الكل فوت عليه بلجريدة نتشعبط... وسيقتها مسحتها الكل بعدما كملت وقفت في وسط صالة... حاطة يدي على خصري نشوف مع كل ركن فيها... صح مزال مادخلت حتى حاجة بخلف سرير وزربية على لارض... الا انو فرحانة بيهم اكثر من كل شيء تقول طفلة صغيرة... حتى الكوزينة مزالت فارغة... مع الوقت إن شاء الله ونجيب الي نحتاجو... لفت انتباهي لاصوات في دار الي بحدايا... هههه كلاني الفضول ورحت طليت من العين ساحرة نتع الباب... قابلني واحد ماعرفتوش ومعاه حمزة تبسمت وحدي عندي مدة ماتلاقيتوش... رجعت نجري لزاج نتع طاقة نشوف مع روحي... عدلت شعري وهبطت خصلات عشوائية... شفت مع قشي... ضحكت على بانتوفل الي لبساتو من العهد الحجري اما معليه... من بعد تفكرت كفاه راح نحل الباب... عضيت على شفافي نخمم... تفكرت البوبال لازم نخرجها ونروح نشري حاجة ناكلها... حليت صاك خرجت دراهم وحطيت veste فوق كتافي... هزيت بوبال وقعد نستنى فيه يزيد يخرج من دار.... انا شفتو وانا حليت الباب... جات عينيفي عينو... تبسملي قريب دختي حايرة في عمري علاه قاعدة نعمل هك..
حمزة: ااا حكيمة راك لهنا سكنتي خلاص؟
تبسمت نشوف معاه نحس في خدودي رجعو نار: وي لبارح عطاني المفتاح...
حمزة: ايا مليح ماكنت نعرف... ياك ماتسحقيش واحد يعاونك...
ياسمين: لا ماعندي حتى حاجة ههه... ممكن مع الوقت ونشري...
حمزة: اما هاكي تشوفي مع سفيان نهزو في لحوايج... حتى électroménagers شراهم البارح واليوم جبناهم... وهو درك هبط يجيب مرتو عندها مدة عند ماليها...
ياسمين:ان شاء الله عتبة خير عليهم... (حطت خصلة من شعرها وراء وذنها) انا مزال ماشريتش اصلا مانعرفلهمش... كشما نشوف وحدة من البنات تخرج معايا نشريهم... وزيد مانيش زاربة بيهم نهار كامل وانا في لخدمة
حمزة: معليه بلعقل برك... ياك ماعطلتكش... نشوف فيك خارجة...
ياسمين: لا ممكن انا عطلتك... انا كنت غير راح نرمي هذي ونشري حاجة ناكلها...
حمزة: على هذي خارجة... خلي عليك انا نرميها وقوليلي وش حابة تشري انا ندبر راسي...
ياسمين: لا والله لا جات راك لاتي مع صاحبك وانا غير قضيةخفيفة برك ونجي..
حمزة: علبالك بالي اليوم جمعة كل شيء مقفول لهنا وزيد... علاه خارجة وقت هذا (يحكي وعاقد حواجبو )
ياسمين: لا غير خممت نشري درك من بعد نخاف وقت تطيح ظلمة...
حمزة: وانت علاه ماتشريشقضيتك صباح حتى تخرجي درك ماتنسيش روحك راك وحدك وكل تحريكة تتحسب عليك...
غاضتها هدرتو هبطت راسها من بعد هزاتو: عندك الحق ماخممتش قيها... سامحني نخليك وتعداتو هابطة...
مسح على وجهو ماقصدوش يزلعها بلهدرة: ياسمين هاتي عليك وقوليلي وش نشريلك... وانت ارجعي لدار... ماكانشقصدي نغشك بهدرتي...
ياسمين: لا انت قلتي صح ماغلطيش... سامحني لازم نهبط فيسع ونرجع فيسع... وانت ربي يعينك...
حمزة: ياسمين ماتخليش حساسيات هذي تأثر عليك... هاتي لهنا واطلعي...
تكذب لوكان ماعجبتهاش تصرفاتو... تحس انو مزال كاين لخير في دنيا... تحس وقت تكون معاه بلامان... صح ماتتلقاهوش دايما... اما كل مرة تتلقاه فيها تتخبا وراء ظلو... تبسمت معاه عطاتو ساشي الي كانت هزتها...
حمزة: صحيتي وش نقضيلك؟
جبدت دراهم من جيبها مدتهملو تحكي: نسحق غير بيض وخبز مكانش كفاه نطيب...
شاف مع يديها: رجعي دراهمك لجيبك وقضيتك دوك توصلك... انت ارجعي لدار...
ياسمين: يعطيك صحة...
(رجع طلع درجات الي هبطهم وقت لحقها وقفل الباب نتع سفيان هو بطبعو كملو تنقال...وهبط بعدما شافها دخلت وقفلت الباب...حرك راسو وهبط )
