🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 80:
مڨاري طموبيل قريب لدارهم... مهبط لكارو ومخرج منها يدو الي فيها دخان مرة على مرة يجبد منو نفس... يديه لخرى في تلفون كل مرة يدخل بلاصة... الي يفوت عليه يسلم وساعات يتلفتو يسقسي على حوالو فد كاره حط رقمها في وقتها هزت...
سفيان: دين ### وشبيه عزاك وقتاه خارجة اااه...
تحكي بصوت واطي: زيد اصبر برك شوي دوك نخرج...
سفيان: ما ت##ب### عندك نص ساعة وانت تحكي في نفس لحكاية... فهمي روحك لاخارجة يالا لا مش خارجة خليني نشوف حوالي ابنت الناس... تهديت من قعدت طموبيل... وش تحكي عليا ناس ... لا خليتيني نروح نخرجك ولا خرجتي... نفهم برك شيء الي معطلك...
جوجيتابصوت باكي : ماتعيطش عليا ماتزيدش تكمل انت... دقيقة واني خارجة...
نفخ كاره روحو وكاره عياطو عليها... زاد جبد ڨارو اخر شعلو يجبد منو...
ماشيا على روس صوابعها صباطها في يديها والصاك على كثافها كل مرة تغمض عين وتفتح عين كل ماتخطي خطوة تتمنى ماتخرجش على غدرة وتشوفها... حاطة يديها على قلبها ... مع وصلت لباب دارت تشوف وراها لا خرجت ولا مزالها في بيتها... حطت صباط قدام عتبة الباب لبساتو وخرجت رجليها اعلى من راسهاتضحك على روحها ... شافاتو عدلت مشيتها وهبطت راسها حتى وصلتلو حلت الباب ودخلت مشنفة عليه... حطت صاك فوق رجليها... ودورت راسها لطاقة مش حابة تشوف معاه...
هز صاك رجعو لوراء يحكي...
سفيان: صاك بلاصتو لوراء (زاد جبد سبتة نتع طموبيل داخل فيها خلاها تشوف معاه وهي ترعش ركبهاورجع لبلاصتو ) شبيها روح مكشبرة اممم...
جوجيتا: سقسي روحك انت علاه تعيط عليا... ماكفانيش امك زدتي كملتي عليا انت...
مسح على وجه كاره ودارلها: علاه خير وش صرا ثاني راني كرهت من سوڨ نساء هذا....عبد عاد يكره يقعد في دار... غير من المشاكل...
جوجيتا: تعرف ضحكتني صح... علابالك وش عايشة... علبالك كفاه خرجت اراجل... علاه راك تستنى من نص ساعة اااه... راني هربت هريبة... تقول مصوحبة مش راجلي الي خارجة معاه...
حكم ضحكة يشوف معاها وهي تحكي كشاكش خارجة... طلعت عينيها تشوف معاه حبست من الهدرة
جوجيتا: اضحك اضحك ماهو الي يدو في ماء مش كما الي يدو في نار...
هز يديهاباسها وحطها رجليه: تعرفي احلى حاجة صراتلي انت... راني عارف كل حاجة تحسبيني غافل.. تء (ديمار مكمل هدرتو ) انت اصبري معايا وخلاص راهم والدين مانقدرش نطيشهم...
جوجيتا ودمعة سايحة على خدها: كرهت من المعايرة والمسبة.. علاه نخرج هاربة... راني عروسة جديدة نحب نخرج مع راجلي نتنفس نحوس نضحك ونلعب... وانا تقول نعڨب في صراط... اووو ماننساش حضرتك عاد من تخرج لا تعيط ولا تسقسي تقول تحتاج حاجة ولا طفلة متوحشها.. من زوجتي وضمنتيني خلاص بح جوجيتا... هاي مرمية في دار...
كل كلمة قالتها دخلت لقلبو كما سكينة... شبك يديه مع يديها هزها باسها مرة اخرى...يسوق مركز مع طريق ومرة على مرة يشوف معاها...
سفيان: نعرف الي مقصر معاك ياسر مش شويا... بربي من وهك نعود نخرجك ونحوسوونعيطلك ونتوحشك ونشرو وكل شيء حكاية ماما صابريني يفوت عليا مشكل معتصم والله وراس روح الي قاعدة بحدايا الا مانلقالها حل..... غير روح ترضى عليا وتحبس بكاءبرك ...
جوجيتا: إن شاءلله صح حابة نفرح كما نداداتي...
سفيان: هههه عجبتني نداداتي هذي حاضر يالالة راح تعيشي كما حابة...وش قولك نتغداو قبل اممم...
جوجيتا: يااا وي نحب نحب...
سفيان: هههه حسب شوفة جيعانة عندك تاكليني برك...
جوجيتا: وناكلك وش فيها ياك رزقي....
سفيان: ههههههه والله مجنونة...
جوجيتا: ههه بيك...
سفيان: احححح على لعسل الي وكي يهدر ...هيا مكانش بوسة طياشي توحشتك اطفلة...
جوجيتا: تء تء مكانش ههه...
سفيان: صاااار تقولي لراجلك لا... نحاسبك عند ربي...
جوجيتا: هههه عادي مهم ماتشوفهاش...
سفيان: معليه اصبري تروحي...
جوجيتا: هههه لكان عندك زهر راك تعمل وش تحب...
سفيان: هههه علاه ماتقوليش وقتها...
حشمت وخدودها حمارو: اممممم...
سفيان: هه زهري طح*ان ونعرفو
