🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 22:
واقفة تستنى فيها قدام الباب... رايحة جاية مرة تطل على بالكون لا وصلت ولا لا... مرة ترجع للباب...
سلمى: وين وصلتي؟...
ياسمين: هاني مع دخلة نتع باطيمة... اقفلي نخلص سيد ونطلع...
سلمى: اوكي هاني نستنى فيك...
شي دقايق حتى تسمع في دقات على لباب بسرعة فتحتو وجبدتها حضنتها تحكي...
سلمى: خوفتيني عليك...(بعدت عليها تشوف مع وجها...طراس نتع لكف مزال مرسوم )... يعطيه كسرة على يديه زاد ضربك؟...
ياسمين: سلمى تعبانة ندخل الله يخليك...
سلمى: سامحيني سمونتي ادخلي ياروحي ادخلي (نحاتلها لفاست علقتها وجبدتها معاها لصالون قعدو على فوتاي )
ياسمين: تعبت مرة هاذي فاض لكاس...
سلمى: احكيلي وش الي صرالك... علاه خرجتي من دار في الليل...
ياسمين: تخنقت نحس في حاجة قاعدة ترصلي على صدري نحس في روحي مغمومة... خويا غدرني مخي ماحبش يقبلها... خويا دالي حقي...
سلمى: كفاه غدرك مافهمتش،... علاه وش دار ثاني...
ياسمين: مضاني على تنازل وكتب دار باسمو هو ومرتو...
سلمى: كفااااه.... لا مايعملهاش خوك اطفلة... ممكن راك غالطة...
ياسمين: لا مانيش غالطة... متاكدة من هذي لحكاية لانو تواجهنا ومانكرش...
سلمى: وانت وقتاه مضيتي على تنازل... كفاه ماتقرايش لاوراق مليح قبل... جاهلة حتى يحش*يوهالك راح تهبليني ولا...
ياسمين: ماشفيتش والله الاوراق الي شرينا بيهم قريتهم مليح... ماكانش حاجة غالطة...
سلمى: حبسي حبسي... وانت ما زدت مضيتي حتى حاجة من وراها...
ياسمين: لا والو ما مضيت...
سلمى: وانت شكون قالك حكاية تنازل هذي؟
ياسمين: صفراء قالتلي...
سلمى: ممكن تكذب عليك... ولا خوك كذب عليها باه تخطاه... حكاية مش نرمال
ياسمين: كفاه ما جاتش لبالي هذي...تعرفي حاسة روحي راح نتخنق... مافاهمة والو حابة يكون حلم وراح نفيق منو نلقى كل شيء طبيعي وعادي....
سلمى قربت ليها حضنتها: حاسة بيك والله... ماعندك ماراح تعملي... انت درك حاولي ترقدي غدوة نشوفو لحكاية هذي اوكي...
ياسمين: سامحيني قلقتك معايا وسط الليل... جيتي غير انت في بالي...
سلمى: ربي يهديك صح... هاني وحدي وين قلق فلحكاية...
ياسمين: حتى ليوم ماكانوش؟...
سلمى: اممم ماكانوش وماعيطش ولا حتى خسر تلفون قالي مانيش جاي...
ياسمين: ربي يكون في عونك...
سلمى: امين اجمعين يارب... هيا ادخلي اغسلي وجك تلقايني وجدتلك بجامة... اليوم نرقدو مع بعض كما وقت الاقامة...
شافت معاها ياسمين وناضت حضنتها تحكي: ربي يخليك ليا يارب...
سلمى وهي تمسح في دمعتها بتخبية: ويخليكك ليا... يالا بلا دراما طيري اغسلي نستنى فيك...
ياسمين: هههه رحت خلاص
