🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 6:
حكم بلاصتو يطلب فيها ويعاود يجيه خارج تغطية نفخ كاره... دخل للفيس كشما يلقاها اما راحتها مكانش...
قفل تلفون وحطو بحداه يشوف مع نقطة وحدة... جات لبالو من وقت طلعت للفاك وتبدلت مابقاتش تطلبو كما قبل ولا حتى تسقسي على حوالو غير وقت تحتاج حاجة تعيط بسوايع... تفكر دلالها ضحكها بكاها تبسم وحدو.. نفض راسو من تخمام الي جاه...
حمزة: بانتلي راح نهبل طفلة مربيها على يدي... من كانت تقرا في ليسي وهي قدام عيني...راح نشك فيها مستحيل تغلط وتشوف مع غيري.. مستحيل تخمم تعملها اصلا.... طفلة عاقلة عمري شفت ممها غلطة تاخد راي وكلشيء... اوااه انا الي موسوس برك... اوووف هز لمخدة حطها على راسو.. كشما يرقد وينسى.... يتقلب في بلاصتو مرة يهز تلفون يشوف معاه مرة يطلبها مرة يقفل يحطو بحداه... حتى غفل داه نوم...
________
ياسمين: اوووف غلبت اليوم les urgences اليوم مهداتش حتى طرف...
فاطيمة: الحق الحق... من نلقى هربة نهرب ههههه
سلمى: انت وحدك صراحة... من عرفتك وانت في لفوايي تاكلي ولا تشربي في حاجة... ماتغلبيش طرف
فاطيمة: خمسة في عينيك... راح تحسديننا على طرف ماكلة ولا...
ياسمين: ايواااااه راني غلبانة مش قادرة لعراكم... قولولي جاء طبيب نتع القلب الجديد ولا...
سلمى: انا ماشفتوش لدرك...
فاطيمة: حتى انا ماشفت حتى حد جاء جديد...
ياسمين: عندي هذيك طفلة مسكينة قلت نشاورو في المرض نتعها... ممكن كاين حل والله غير قسمتلي قلبي... مزالها صغيرة...
سلمى: تحكي على شكون؟
ياسمين: وسام هذيك الي في شمبر 5...
سلمى: ااااا وي عرفتها طفلة شابة بزاف خسارة مسكينة تعاني كيف هك...
فاطيمة: اكثر حاجة نكرها فلخدمة... هذو الشوفات صغار مراض يتمرمدو مساكن (تحل الباب ودخلت ممرضة تحكي )
👩⚕️: دكاترة شاف تحتاجكم ضروري...
شافو مع بعض ونطقت
ياسمين: شرفو حبيباتي ناخدو كاش بهدلة ... شرفو يالا (خرجو مع بعض رايحينلها )
فاطيمة: وش درنا حتى تبهدلنا سبحان الله ... ولا غير تتسبب وخلاص...
سلمى: خلي نسمعوها وش تقول من بعد احكو...لا حاملينها ولا حاملين رواحكم خلاص...
ياسمين: ايه لانو تقريبا نخدم 24 ساعة حتى كونجي ماحبتش تسينيهولي...
فاطيمة: اخاااه مش وقت كونجي تاعك درك...
ياسمين: تعبت نحب نريح فدار شوي...
سلمى: وين تريحي مع العقرب صفراء هذيك... عدي عدي قدامي خيرلك...
_______
عند اروى
###: وش قولك نتلقاو ماعدتش نقدر نصبر عليك... راك نار 🔥وشعلت فيا...
اروى ضحكت بميوعة: هههه علاه وش عملت انا... اممم
###: وش ماعملتيش قولي... انا من اخير الكام ماعادتش تقنعني نحب نتلقاك وغدوة...
اروى:مستحييل غدوة مانقراش...خلي مرة خلاف...
###:ت## بيا القاي حل وشوفي كفاه نخرجو...
اروى:وكون يشوفوني مانقدرش...
###وين يشوفوك نطلعو لدار طول واحد مايشوفك...
اروى:مانعرف نشوف كفااه لا مش غدوة نخلوها لبعد غدوة اوكي...
###:اقعدي سمطيلي كيف هك حتى تسماط الخرجة...
اروى:نن مش قصدي خليلي شوي وقت برك تعرف مانيش موالفة برك..
###:معليش نشوفو وين واصلة معاك...
اروى:تغششتي حبيبي...
###:احححح على كلمة حبيبي من فمك وتقول نجي وناكلك درك....
اروى:ههههههه كما نتلاقو واعمل رايك كلي ليك...
###:اوووه على هذيك الهدرة زينة...
( كملو تمعشيق لصباح وهذاك المغبون راقد على وذنيه )
