🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 38
تعدا عليها لقاها راقدة عوجة ... باين كانت تستنى فيه... قرب بحداها هبط على رجليه يهمس بصوت خافت...
ايمن: حلومة نوضي لبلاصتك... حلومتي
حليمة فاقت تمسح على عينيها: جيت علاه طولت اليوم...
ايمن: سهرت مع الاولاد برا قصرنا... وانت علاه مش راقدة في بلاصتك...
حليمة : هكنت ساهرة على تلي حتى داتني عيني... كشما تحب نسخنلك تاكل...
ايمن: ما عيني في حتى شيء... طالع نرقد حتى انت ارقدي برك...
حليمة: الله يرضى عليك ولدي... تصبح على خير...
ايمن وانت من اهل الخير...(وقف تمشى لبيت نتعاو...وهي باقي تشوف معاه اكيد ام وتحس بولدها وقت يكون مهموم...وهي متاكدة من سبب الي مقلقو...)
دخل للبيت قعد على سرير...جبد تلفون من جيب نتع سروال...دخل بروفيلها كما العادة... لقاها حاطة ستاتي...(قررت اليوم اتخلي عن قلبي...وضعته في المزاد العلني فمن يريد ان يشتري...) صحابها كل يعلقولها عليه... حس بنار شعلت سنيه يرحي فيهم رحي...وقف شعل قارو وقف قدتم طاقة ضوء بيتها شاعل وخيالها وهي واقفة يبان...تمنى كون جاء يقدر يبلها نحبك وانت ليا...اما هذا حلمة ومستحيل يتحقق...رجع هز تلفون بعدما قرر انو يكتبلها ميساج.. قابلو مزالت اون لين...دخل يشوف معاااه مدة يكتب ويعاود يحذف...حتى لقى روحو كاتب
«نعرف روحي زدت عليك اليوم بهدرتي...حبيتك تقراي وتنجحي بعدها كلشيء ساهل...نتمنى تكوني فهمتي...ونتمنى ستاتي نتع اليوم يتحذف ومابقيتش نزيد نشوفو..تصبحي بخير...»
مافقش مع روحو حتى كفاه غلط وبعثو... اما تبعت هما ثواني حتى شفها قرات الميساج... قفل لدوني وقفل تلفون خلاص...
~~~~~~
راقدة على كرشها تقرا فتعليقات وتضحك على هبال صحباتها... حتى دخلها ميساج تشوف مع الي بعثو ومكذبة... دخلت تقرا فيها... قعدت تربعت كل مرة تقراه تحس في قلبها راح يحبس...
سلسبيل: وش معناه اااه وش قصدو اقراي والباقي ساهل... هههه يا ربي ايمن بعتلي... ههه استني نشوف اااااا قالي احدفي ستاتي... وش قصدو زعما..... اااااااااااا راح نهبل ناضت وقفت مع طاقة حتى لقاتو واقف يتكيف... مع شفاتو هربت تجري... عاودت قعدت على سرير مرة على مرة تشوف ميساج ومكذبة... عملتلو جادوغ على ميساج... حبت تردلو اما ترددت... بعدها دخلت للفيس حذفت ستاتي الي حطاتو...ورجعت تكات شعرها منثور على لمخدة.. تشوف مع سقف كل دقيقة تتفكر هدرتو تضحك... تعاود تدخل للميساجتقراه وتقفل... يعني كاين امل... حتى هو يحس وش تحس.... اووووه راح نهبل هههههههه
سلسبيل: يارب تمملي على خير يارب يكون #مكتوبي راني الي حليت فيه عيني...
