🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 94:
طلع في طموبيل بعدما خبا طرف الي شراه جبد تلفون عيطلها اكثر من مرة ماهزتش بعدها جاه صوتها بنوم... بعدو على وذنو ووحطو على قلبو ثوني بعدها رجعو لوذنيه...
سفيان: وجدي روحك اني بحدا الباب نستنى فيك...
جوجيتا: طاح الليل نتع دار يتخلعو غدوة صباح وإذيني...
سفيان: كما تحبي اعملي الي يساعدك...
(كوبات عليه) شاف مع تلفون بعدها رماه بحداه على لكرسي... جبد هذاك طرف طرف وبدأ يدرح فيه... عدلو وشعلو جبد منو مغمض عينيه مستمتع برهج الي يسف فيه... عاود هز تلفون عيط لايمن...
سفيان: صحبة اهبط نڨصرو شوي اني مقنوط...
ايمن: حتى انا... اني هابط دوك نعيط لحمزة ونجي...
سفيان: تلقاوني في لقهوة نتع موح... ماطولوش عليا...
ايمن: مريقلة....
~~~~~
ياسمين: اني بحدا لباب خرجلي لقش...
الياس: لا سلام ولا كلام خير إن شاءالله...
ياسمين: شبعت هدرة يكفي الي سمعتو قبل... خرجلي قشي خليني عندي مشاغل...
الياس: كبرتي وجهك ولا صحيح... قشك مكانش وادخلي لدار كما ناس نحكو...
ياسمين: ماعندي علاه نحكي معاك... خرجلي حوايجي والله يسهل عليك...
خرجلها بحدا الباب... شافاتو هبطت من طموبيل تحكي...
ياسمين: وينهم لحوايج؟
الياس: حوايجك ادخلي لميهم وحدك
ياسمين: ماندخلش لدار الي لهفتوني فيها انت وصفراء تاعك... ماتقولش راح نسكت حقي ونعرف نجيبو منك ومنها...
قربلها حكم شعرها بين يديه يحكي ويرص على سنيه:
شوفي يا حي*وانة كما نهدرك معاك هدرة طبقاها تسمعي فياااااا....
حطت يديها على يدو نحاتها تشوف معاه بقوة وبكل ثيقة...
ياسمين: ياحسرة هذيك الي كانت تخاف منك بح... من اليوم تزيد تحط يدك عليا راح تتحاسب...
زاد قربلها ويديه في رقبتها يخنق فيها: مزالك تشركي في فمك... عدي لدار ازربي تسيبت يومين بايتة برا تقول بلا مالي... امشي قدامي...
يديها على يدو تنحي فيهادموعها محصورين مش حابة تبكي... بصعوبة نحتهم.. بعدت عليه هازة صبعها في وجهو وتمشي في خطواتها لطموبيل تحكي: من اليوم حطني ميتة وحقي نديه لا نرحمك ولاحتى يرفلي جفن... انت الي غدرتني وحڨرتني ماتلومش عليا من هنا وطالع (ركبت طموبيلها دورت المفتاح وديمارات من غير حتى ما تشوف من وراها...)
