🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 5
في سبيطار
سلمى: وينها ياسمين لدرك ماجات... لازم تجي قبل لا تفيق شاف سريفيس... تزيد تعاقبها...
فاطيمة: مسكينة االيوم ثاني زادو نقلو من دار... وتعرفي حالتها مع مرت خوها...
سلمى: لحق طفلة تعبت بزاف في جرت هذيك العقرب صفراء... كرهتها في معيشتها حتى لعرسان الي يجيوها طفشتهم الكل ... الله لا يتربحها ولا تشوف ضوء عمرها الكل فظلمة...
فاطيمة: اااااامين يارب
هنا تحل الباب ودخلت ياسمين وجها اصفر نفضت روحها على كنابي تحكي
ياسمين: سلاام لبنات
لبنات: وعليكم السلام ورحمة الله...
فاطيمة: وينك هذا وشبيه وجهك اصفر...
ناضت من بلاصتها حلت لخزانة ولبست طابليي تحكي
ياسمين: هههه حكاية العادة وش راح يكون زعما غير انو كرهت لمعيشة معاهم (وحطت سمعات فوق طابلية وراء رقبتها ودخلت شوي منها في جيب لفوقاني..) يالا للخدمة ولا تحبو ميس وسااام تاكلنا اليوم...
سلمى: نرتاحو شوي زح جاينا جري كبير....
ياسمين: نوضي نوضي ماجيناش نرتاحو... ناس برا تحتاجنا...
سلمى: اووووف هاني نضت الي يغلبك يحاسبني...
ياسمين: هههه نعرف
خرجت هي الاولى وهما لاحقينها غير فلخدمة ماتتهاونش حتى وعلى حساب صحتها...
*******
بعدما دخلت وتاكدت بالي راح... عملت مكياج مرة اخرى... ونحات تريكو بقات غير بواحد خفيف والمعري اكثر من لمغطي هزت تلفون وعيطتلو كاااام...
اروى: حبيبي
###: روحي زينة تاعي توحشتك...
اروى: حتى انا ياقلبي توحشتك...
###: باينة على هذيك منين قتلك نتلقاو عندي فدار ماحبيتيش...
اروى: لالا مش هك نحب نتلقاك اما نخاف يشوفونا تعرف...
###: وكي يشوفونا ياك قتلك بالي غير انت تكوني مرتي...
هبطت اروى راسها حاشمة: إن شاءلله
###: ودرك ماتخلينيش نشوف رزقي...
اروى: ههههه نحشم مش وقتها
###: تحشمي مني انا حبيبك...
اروى: لا بصح مانحبش...
###: اممم مالا نخليك تصبحي بخير...
اروى: دقيقة دقيقة نقفل الباب ونكملو نحكو...
###: صحيتي فحلة تاعي... نحبك كي تاخدي راي
اروى:هههههه حتى انا نحبك...
قفلت الباب... وحكاو لصباح وعملتلو وش حب وكما بغى خاطرو...
