🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 95:
وصل قلبهم دخل للقهوة طلب تاي وشيشة... يلعب في تلفون حتى ضرب على كتفو حمزة يحكي:
حمزة: نشوف فيك سبقتنا اشيخ...(بعد الكرسي قعد هو وايمن في نفس الوقت )...
سفيان: هههه هههه وش يعطل اراجل... هاني بومهني ماكاين حتى شيء ورايا...
شاور ايمن لموح مول القهوة يحكي
ايمن: موح خويا جيبلنا زوج تاي معاك...
موح: سانك سانك رجلة...
حمزة: وعلاه بومهني ماعندكش دار ومرأة... تبع في الي فارغين شغل ههه...
سفيان: هههه يا خويا وش دار وشمن مرأة فك عليا لهيه...
ايمن: هههه حسب شوفة راك منتنها معاها...
سفيان: تقدر تقول هك ههههه... ### الي يفهم نساء كفاه تخمم يجي يحاسبي...
حمزة: إن شاء الله ماكبرتش برك...
سفيان: لااااا ماكبرتش خلاص... غير باعتلها غدوة لدارهم برك...
شافو لولاد مع بعضاهم ونطقو: منك بصح...
حركلهم راسو الي زاهي بزطلة: امممهم غدوة رايحة لدارهم...(جبد نفس جبدة من شيشة...وزاد جاء تاي نتع لولاد تحط على طاولتهم...)
حمزة : احكي وش صرا حتى تبعت في طفلة ### راك حفيت باه ديتها...
سفيان: راسها خشين... شوف نحكيلكم وانتم احكم
ايمن: احكي اسيدي...
سفيان: لمرأة بعتها عطيتها لمفاتح قلتلها اركبي حتى نجي... هيا الفحلة قافزة جاها تلفون قعدت تحكي لبرا... وهامل يبزنس فيها...حكمتو عطيتو تراحة وزدت كملت عليها... كون واحد تعدى علاها ولا عمللها حاجة ااااه...
حمزة: وانت علاه تضرب في مرتك هي وش دخلها... عندك داب راڨد في هذاك المخ ولا كفاه ... من نيتك تهز يدك على مرأة...
سفيان: ### من بصح راسها خشين ماتخدش راي ### نقلها بيضاء تقولي كحلة... نهار تجيبها في روحها وانا ماتساعدنيش العقلية هذي...
ايمن: يلعن ابو رجلة لا كان انت راجل... يا ولدي تعمل وش تعمل مرتك ماتضربهاش فهمها بلعقل احكي فسر عاقبها بطريقة اخرى غير تضربها لا... وشبيك هك يدك سابقاتك... نعرف الي مايحبش يعود بخلط برك ومايهمو شيء... هك نفهم وظهر الحرب الي عملتها هلى جالها حكاية فالصو...
سفيان: نحبها ونعشق في دين ### اما الله غالب دمي حامي... نغير علاها حتى من قشها الي لابساتو...
حمزة: غلطتي اسفيان غلطي ومن لفوق راح تبعتها لماليها وش راح يقولو عليها اااه... وش راح يقلوللك هذي الامانة الي الي مديناهالك... غلطتي وغلطتك كبيرة...
فوتو سهرة من حكاية لحكاية سفيان ماخلاولوش حتى عاد يحس في راسو راح يطرشق... طالعة حيط يدي وحيط يجيب بعدما تعدى شرا قراعي شراب... دخل للبيت وين كانت راقدة ضوء خفيف ضارب في وجها شوفرها مبلوللين... خصلات من شعرها لاصفة في شفافها... عوج راسو يشوف معاها بعدها قرب بشوي على روس صوابعو مال قريب طاح مش قادر يهز روحو... حط صبعو بعدلها هذوك شعرات باقي يثبت معاها لثوني... بعدها عدى لجيهتو دخل معاها يشوف مع شعرها المحطوط على لمخدة... قرب يشم في ريحتها يتمتم
سفبان: نحبك جوجيتي... ماتعمليهاش وتخليني...بعدها حط راسو على لمخدة...
دمعتها طاحت... تسمع فيه وفي كل كلمة قالها من اول مادخل لدار وسمعت حسو عملت روحها راقدة...
