💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 128:
حمزة يحكي...
وقت رحنا لسبيطار ولعوج نتع معتصم الي ماخلاناش نلبسوه طلعلي سخانة وانا نلبس فيه اما من غير فايدة ومعتز قاعد يهيج فيه طول عمرهم كما القط والفار... حتى جات طفلة معاه شفتها قبل في سبيطار ضحكت معاه شوي ولبساتو وهو يضحك... وقتها انا خرجت تفكرت قضية الي عيطتلي عليها ياسمين... هزيت تلفون من صباح نعيطلو مايهزش... خرجت بحدا الباب... زدت عاودتلو مرة خلاف مانحبش نطيح كلمتي حتى وصلني صوتو...
###: صباح الخير تفضل
حمزة: صباح الخير الحاج... انا طفل نتع اليارح الي قتلك خليلي دار لوحد لمرأة...
###: اااوي صح تفكرت ايه...
###: هيا الحمدالله ... وقتاه نقدر نجيبها تشوفها...
###: شوف درك عندي قضية لا يساعدك لعشية وراء لعصر اوكي...
###: هيا مفروزة هاو بينا تلفون...
قفلت عليه وعاوظتلها على جدة باه ماننساش فيسع ماهزت عليا تقول كان في يديها...
حمزة: سلام حكيمة...
ياسمين: سلام ياك تفاهمنا تعيطلي ياسمين...
حمزة: هههه موالفتش نتعود إن شاءالله ... مهم راني عيطتلك على دار مولاها لعشية قال ارواحو...
ياسمين: باهي مليح وانت ثاني تجي ياك...
حمزة: بربي إن شاءلله... مش راح نخليك حتى نفرزوها...
ياسمين: ههه ربي يعيشك مالا لعشية إن شاءالله ...
حمزة: إن شاءالله منبعد نبعتلك عنوان في ميساج...
ياسمين: اوكي...
انا قفلت تلفون حتى تدخلني ابال من عند بابا... نفخت كاره جد تلفون وسنينو هزيت...
حمزة: هااا بابا هاني لتحت اهبط تلقاني..
بوجمعة: حمزة الحق خوك... مانعرف وش راح يعمل...
حمزة: خير ثاني وش راح يعمل وانت شكون قالك...
بوجمعة: طفلة الي جات معاه من قبيل.. رجعت وقالت انو واحد بعثلو ميساج وهو يتوعد انو يجيب حقو...
مسح على وجهو كاره حمزة: وشمن حق يجبو ثاني راني وصيتو يركح... ماقالتلكش وين رايح...
بوجمعة: وهي وين تعرف...
حمزة: لا انا الي نعرف... كفاه نعمل درك نوصلكم ولا نروح...
بوجمعة: لا انت روح انا ندبر راسي...
حمزة: صحا..
بفلت تلفون وطرت نجري ركبت في طنوبيل... نعيطلو ### ماهزش عليا... نعاود ونعاود حتى قفلو خلاص... اما يطيح في يدي نوكلهالو ولا مانتسماش راجل... ل### انا ناقص حتى يزيد عليا... عيطت لايمن ماهزش... عاودت لسفيان... حكيتلو لحكاية ياك قالي الحق اني سابقك لزنقة صرافة... وقتها حسيت دنيا تدور بيا ومانو واحد جاب بيدون ماء وصبو على راسي... خلاني نغفص... طريق كامل وانا نطلع ونهبط وش مديه لتم###...
~~~~
سلمى: اممم وين تايهة شكون الي عيطلك خلاك تتبسمي تقول مهبولة...
ياسمين: لا والو غير واحد وصيتو يشوفلي على دار...
سلمى: وهذا الي توصيه تجودي صوتك على جالو ولا على جال لوصاية...
هزت كاس قهوة شربت منو تحكي: يزيك بلا تمسخير... رانيغير حكيت عادي... ادعيلي انت برك تصلح مرة هذي... الي نشوفها اسوءمن اختها زح...
سلمى: إن شاءلله تصلح ما تحطيش في بالك... وحكاية خوك وش عملتي فيها...
ياسمين: خلاص رفعت القضية صباح...
سلمى: احسن جيبي حقك من عند هذيك صفراء...
ياسمين: اممم ماقتلكش راهي بلحمل...
سلمى: اهاااا مكانش منها مش خوك مااا...
ياسمين: اما مش خلاص ممكن صلحت مرة هذي...
سلمى: انت منك بصح تشوفي فيها هك وكانك مش طبيبة راح تهبليني...
ياسمين: اول حاجة هذا مش اختصاصي... اما تحاليل تقول ضعيف مش عقيم...
ياسمين: ممكن اما حايرة علاه في5 سنين مكانش... ودرك راهي بلحمل غير وقت خرجت انت من دار..
ياسمين: ربي يسهل عليهم... انا وشخصني فيهم ربي يهني سعيد بسعيدة... مهم حقي نرجعو وخلاص...
سلمى: الحمد الله غير كما فقتي...
