💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 106:
سلمى: محمد استنى وجعتني... محمد يدي علاه هك...
محمد: تسكتي ولااااا...
جبدت يداها بلقوة حتى وجعتها... ولات تمسد عليها.. تشوف معاه عينيها مليانين دموع... اما مش هيا الي تبكي... وقفت مدة بعدها تمشات لطموبيل وقفت قدام الباب من غير ماتحكي ولا كلمة... اما هو فا مسح على وجهو فوت يدو على رقبتو... جبد مفاتح فتحلها عصر قبصة يدو كاره من كل شيء... ركب بحداها من غير ما يشوف معاها سألها...
محمد: وقتاه كنت راح تقوليلي اممم...
سلمى وبكل برود ردتلو: عندنا دار نحكو فيها نظن... مش في طريق لا...
محمد: معليه كاين دار اكيد...اما نتمنى نلقى تفسير سلمى... راني متحكم في اعصابي لدرجة ماتتصوريهاش...
سكتت عليه مدورة وجها لطاقة تشوق مع طريق... مخلياتو يشوف معاها وفي برودها.... دور المفتاح مديماري...
.... ~~~~~~....
حمزة: خلاص يما خلي املك بربي كبير... وردة هذي مانعرفهاش...(جبدها من حضنو يمسح على وجها متبسم)... نحب وردة صنديدة لاقوى من كل شيء ترجعلي...
وردة: مش بيدي والله... ماقدرتش فوق طاقتي شوف حمزة شوف خوك الي مايحملش يرقد نهار كل يجري درك تحريكة صغيرة مكانش...
قربت ليها تحكي...
ياسمين: نقدرو نقعدو نحكو انا وانت شوي لا مايقلقكش...(شافت مع حمزة متبسمة ) ممكن نسلف امك شيء 10 دقايق... حتى يخرج والد والحقوني للبيرو...(حركلها راسو بلموافقة )
وردة: حكيمة اما راح تتعطلي على خدمتك...
ياسمين: لا اصلا شوي ونخرج عندي قضية...تجي معايا للبيرو امممم...
وردة: يعيشك بنتي يعلي شانك...
ماشيين مع بعض دخلو للبيرو... قعدو لزوج مقابلين بعض... حمحمت ياسمين تحكي...
ياسمين: تعرفي وقت نشوفك نشوف ماما الله يرحمها... مانعرف علاه وقت تحكي نسمع صوتها ونشم ريحتها... كل ام تفوت عليا في هذا سبيطار نحس فيها امي الي تغدرت فيها وراحت وخلاتني لذيابة ...
هبطت وردةراسها: ربي يرحمها بنيتي... ربي يعطيك صبر ان شاء الله... فقدان الام صعيب وبزاااف
ياسمين: ياحسرة مزال لدرك جمرة موتها في قلبي...اما دنيا تمشي والحياة تستمر... (قربت حكمت يدين وردة وسط يديها) تعرفي ان الاجل بيد ربي سبحانو... قادرة انا درك قاعدة معاك روح تطلع لمولاها الي خلقها... وقت يكون إيماننا قوي نقدرو نتخطاو كل شيء...
وردة: نعرف قاعدة نعمل في الي نقدر عليه باه نقاوم اما شيء فوق طاقتي...
ياسمين: نعرف اول بوم جيتي فيه وقت عمل لاكسيدون... شفت علامات القوة... اما درك لا نشوف في مرأة مهزومة وتاعبة مستسلمة... معتصم راني نعمل معاه في الي نقدر... حتى طلبت زميلة ليا مختصة في جراحة دماغية... تجي وتشوفو نحب هذيك نظرة نتع الاستسلام تتنحى... بربي مايكون غير الخير...
وردة: يعيشك بنتي ربي يفرحك...
(صونا تلفون ياسمين الي خرجاتو تشوف معاه...بعدها وقفت استسمحتها تحكي )
ياسمين: وي نسمع فيك... امهم وقتاه نجي نشوفها...ياك مش دار جيران برك... متشقنيش ربي يحفظك نحب دار صغيرة ونظيفة... مايهمنيش فيها بيوت بزاااف... امهم اوكي وحد نص ساعة نكون عندك...
دارت لوردة تحكي: سامحيني مدام...
وردة: لا عادي بنتي انت الي سامحيني معطلتك...
ياسمين: لا غير نحوس على دار للكراء...
وردة: إن شاءلله تلقاي... مزوجة؟
تبسمت معاها: لا مزال ماجاش مكتوبي...
وردة: ايه كل حاجة مقدرة من عند ربي...
تحل الباب ودخل منو حمزة وبوجمعة...
