المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 140:
راقد على سرير pc فوق رجليه حاط فيلم يتفرج فيه... من نهار هذيك لعركة خرجاتو نقصت... امو مزالها متغشة منو... مرة على مرة يترشف من كأس تاي الي بحداه... نفخ كاره من القعدة... حط pc على جنب وناض من بلاصتو لبس في رجليه... هو وصل بحدا الباب حتى دخلتو اشارة من messenger... عقد حواجبو حايرة ماعندوش صحاب بزاف فيه ولا حتى موالف يحكي فيه... رجع بخطوات ثابتة يحك في شعرو... هزو من فوق طاولة فتحو شاف معاه وتترسم بسمة على وجهو محرك راسو... على هبالها...
سلام صاحبك جعفر يسقسي : وسام
عليك وين غابر
معتز: هههه اهلا صحبة مزالك حي
وي مزال حية وقاعدة على : وسام قلبك
معتز: اممم علاه تقعدي على قلبي اسيدي... قوليلي وش حوالك عندي مدة ماحكيناش...
اممم درك وين تفكرتي كون: وسام
مانتفكركش انا تنساني خلاص ماتسقسي ماتحوس... نرمالمون انا الي يسقسوعليا مش لعكس 😒
معتز: عندك الحق مقصر معاك... اما هاني مع روتين وخلاص كاره حتى نحك راسي... وزيد الوالدة ماحبتش ترضى عليا...
تستاهل لانو متهور وماتحسبش: وسام
لقدام... شوف كفاه ترضيه اكيد ترضى..
معتز: إن شاءلله فكك مني قوليلي انت وش عاملة جاو داركم ولا مزال...
جاو صباح وي وروح كرهت: وسام
من نشوفهم متمرمدين معايا تغيضني روحي ويغيضوني هما اكثر...
معتز: هذا هو قسمك مهم مزالك تتنفسي... وواقفة على رجليك والديك حيين رحمت ربي...
سبحانو كريم... معتز نخليك: وسام
جاء طبيب
معتز: هيا مريڨلة ممكن غدوة نضربلك طلة... تهلاي وين تقعدي ابعتيلي...
إن شاءلله نستناك... ماتخافش: وسام
راح نهبلك منا وهك
قفل لدوني وهبط لتحت في لكوزبنة وقف يدربك على لباب ووردة تطيب عاملة روحها ماسمعاتوش... دارت هزت الماء زادت شوي وعاودت حطاتو... قرب تكى على رخامة يشوف معاها...
معتز: مزالت وردة تاعي متغشة...
وردة بعدتو وعدات: وقت تتعدل نحكو فيها...
معتز: علاه هاني معدول غلطت مرة وبربي ماعادتش تتعاود خلاص... غير ارضاي برك..
حلت درج وجبدت منو دراهم: يالا روح جيب شوي غلة وعدي عند مروة جيب اختك راهي طولت بزااف...
معتز: يعني مزال مش راح ترضي... معليه اوريدة غير غشك الي مانقدرش عليه...
وردة: اممم كنت تخمم فيها قبل لا تغلط... ودرك اخرج هليا خلي نكمل خدمتي...
