🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 18:
*الياس رجعت بيه ذاكرة 🔙🔙🔙🔙
الياس:سلاااام (صافحو سام رجولي )
رضوان:اهلا اهلا وش راك وين الغيبة...اقعد اراجل اقعد...
الياس:هاني معدنيا وخلاص...وش راح نعملو...
رضوان:هذيك هي الخو دنيا لهاتنا وخلاص...اييه ونا طريق جاباتك ليا اسيدي اليوم...
الياس:مانكذبش عليك جيت قاصدك في خدمة إنشاءلله ماتردنيش برك...
رضوان:خير ان شاءلله لا نقدر نعاون صاحبي علاه لا...
الياس:يعطيك الصحة...شوف عندي طفلة اختي حاطة دراهم في دار وشرطت عليا نكتبها نص بنص...وانا قبلت بصح خممت مع روحي نهار اخر يجي مكتوبها وتتزوج...راح يظل راجلها يطالب بحقها وانا وما عنديش من نجيب...
رضوان:ايه فهمتك..تحب تكتب دار باسمك صح..بصح هك لازملك يا وكالة يا تمضيلك هي على تنازل...
الياس:وهي مستحيل تمضيلي بلا ماتفيق...
رضوان:والمطلوب؟
الياس:تزورلي وثيقة تنازل باه نرجعها باسمي في دار تراب...
رضوان:بصح راهي اختك وطفلة عاقلة...انا نقدر نعملهالك في رمشة عين اما خمم مع روحك مليح...حالة واعرة كون يفيقو بيك تباصيني معاك...
الياس:ما تخممش عندي صاحبي لتماك يحكم عليا دوسي وما يدققش عليه متاكد...
رضوان:هيا ربي يسهل جيبلي معلومات الكل وبعد غدوة يكون عندك تنازل اسيدي
الياس:هاو ليك كل شيء واجد...غير افرزلي لحكاية حتى انا نفرزك....
رضوان: هز لوراق يقرأ فيهم ويحكي... تفاهمنا اسيدي بعد غدوة انشاءالله...وماتنساش تجيبلي حقي...
الياس:مفروزة إنشاءلله...
🔚🔚🔚🔚
فاق من شردتو وقت حكات ياسمين
ياسمين:ساكت كما العادة وش راح يتبدل يعني هههه...خويا خلاص مات ضميرو كما مات قلبو...وش راح نتوقع...انا نخرج احسنلي لا نعمل كاش حاجة لي روحي ولا فيكم (لست فاست نتعها وهزت صاكها راحت لباب خارجة...)
الياس: وين بيها في نص الليل..
ياسمين: ههههه خايف عليا ولا خايف من هدرت ناس... رايحة لجهنم الحمراء ماعندك ما دخلك... خلاص فاض الكاس
نورة: فرصة باه تروح ت*** كما موالفة الليل كل برا...يعلم ربي مع شكون
حلت عينيها صحافي من هدرتها ورجعتلها تشوف معاها بعيون من نار... وتهز يديها على ما يجيب جهدها وتعطاها كف لا يقرا ولا يحسب... حتى وجها دار... تشوف معاها وتحكي
ياسمين: انا تقولي عليا هك ااااه... دارت لخوها (راك تسمع اممم ولا انت ثاني عندك نفس راي ) شوفي يا ك*لبة انا اشرف منك واشرف من الي جاباتك ومن اليوم راح تشوفي الوجه ثاني... والي خلقني راح نخليكم تشتاقو ياسمين لقديمة وعد مني الظلم الي شفتو منك عام كامل نرجع حقو ثالث ومثلث...(تفلث عليها وخرجت ردخت الباب من وراها ) خلاتهم يتنفضو معاه
نورة حاكمة في خدها تبكي: شفتي اختك شفتي من دايما نقلك مش نرمال وش هدرت انا حتى تعمل هك فيا... هدرت هدرت صح مابقيتش نسحقها في داري... وهذا اخر كلام عندي...هج تهجها إنشاءلله...قريب عوجتلي رقبتي...هيءهيء
حضنها الياسيحكي : اششت حبي تعرفيها غير نتع هدرة برك ماتقلقيش روحك...
نورة: انا الي عندي قلتو مانزيدش نشوفها هنا مرة خلاف...
الياس: وشكون يصرف عليك الفحلة اممم... انا اني قاعدة بلا خدمة... منين راح تاكلي
نورة: دبر راسك شوف حل مايهمنيش...
الياس: خلاص اسكتي برك... هات نشوف وجهك...
نورة: هيء هيء يوجع فيا...
الياس: اقعدي نجيبلك ڨلاص... نحطهولك ودوك يروح سطر...
