🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 23:
فتح الباب بقوة دخل عليها خلاها تتهز وتتنفض... حطت يديها على قلبها تحكي
جمانة: بسم الله خلعتيني ياراجل...
قرب ليها بخطوات ثابة عينه عليا نار قرب بحداها وقفت قدامو تتبسم... قربت ليه طلعت على صوابع رجليها... حتى حبستها يديه الي وسط شعرها جبدهولها لوراء يحكي ويرص على سنيه...
سفيان: وش قتلك انا وقت الخطبة اااه
حطت يديها تحاول تنحيهالو اما ياحسرا ذي الي قولو قوت راجل دموع تحصرو في عينيها تحكي
جمانة: سفيان وشبيك وش عملت وجعتني حرام عليك... ولا راك شارب كالعادة...
سفيان: وش دخلك في ###نشرب نزطل وشراحلك... سقسيتك جاوبيني (جبد يديه وعطاها بكف خلاها ترجع تدعثر لوراءوشعرها غطاء وجها...هنا هبطو دموعها...)
جمانة: حرام عليك والله وش الي عملتو انا حتى تضربني... جمانة سفيان ولا نسيتي...
سفيان زاد قرب ليهاوحكم فكها بين يديه : وكي عدت جمانة تطلعي فوق ظهري وتدلدلي رجليك... ما نيش ###حتى مرأة تحكم فيا تكوني وش تكوني... يما خط احمر تسمعي...
جمانة: اااااا قلي امك... جات تشكيلك ياااك... سبحان الله ضربني وبكا سبقني وشكا...
سفيان : مزال تشركي في فمك يابنت الك*لب... معليه انا الي نعاودلك رباية حاسبة نحبك نكوت عليك خلاص تعملي رايك (نحى لحزام نتاعو ونزل عليها بضرب كل مرة من جيهة... صوت عياطها واصل لاخر لحومة..باباه يحب يتدخل وامو مانعاتو يدخل لعندهم...واحد لا خلاتو يتدخل... ضرب ضرب حتى حس جنونو بردو...عاد فاق على روحو...قعد مهدود فوق سرير يرد في نفس حاط راسو بين يديه...وهي تلمت على روحها في شوكة بكلها زرقاء...حاطة راسها وسط رجليها تبكي بشهقة...يسمع في صوت بكاها كانو موس ويدغر فيه في قلبو...المشكل هو سبابو...ما فاقش بالي عمل غير بعدما فات الفوت...وقف راح ليها هبط على رجليه عندها...خلاها تتخلع تزيد تحصر روحها مع الحيط...تحرك في راسها خايفة... حط يدو على شعرها طويل يحكي
سفيان: جوجيتي سامحيني يا روحي.. نعرف روحي غلطت... سامحيني
جمانة غير تشهق ودموع تسيح وحدها... مش قادر حتى تشوف معاه... تحس روحها محڨورة بعدما كان هو امانها... ولا هو جلادها...
سفيان: جمانة اهدري معايا... نعرف روحي غالط.. قولي اي حاجة ارواحي هنا عندي وإبكي... ياك انا راجلك حبيبك... ارواحي لصدري اشكي قولي ظلمتني... ماتعمليش في روحك هك.. تعرفي بالي نحبك ونموت عليك... مافهمتش كفاه عملتها والله تقول عبد اخر الي ضربك مش انا... والله نادم إنشاءلله تتكسر ليد هذي الي ضرباتك...مانقدرش نشوفك هك... ارواحي لهنا (فتحلها درعيه...ما صدقت ترمات عندو تبكي وتهدر في كلمات مش مفهومين...خلاتو يغمض عينيه يعصر عليهم كما قلبو الي عاصر عليه..) وقف هزها حطها على سرير قعد بحذاها يشوف مع ضربات الي ترسمو على لحمها... وقف رايح جاي مزال مش مأمن وش عمل فيها... هذي مش رجلة ومش تربية راجل يضرب مرتو... شوي ويهبل علاه ماهدرش معاها وفهمها بلعقل علاه ماسمعش منها... علاه هز يدو وضربها... وين الوعد الي وعدهولها يكون امانها وحمايتها... رجع شاف معاها متكية على سرير متكورة على روحها تقول طفل صغير... طلع حتى هو غطاها وتغطى معاها حاصرها عندو مخليها تفرغ قلبها...
