💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 109:
واقف يحكي مع طفل جارهم ومرة على مرة يشوف مع الباب... مرة يطلع يدو يشوف ساعة... يتمنى يخرجو وحدهم وتكون بدلت رايها... مع سمع صوت الباب الي تحل... خوها من القدام هاز فاليز نتعها... وقتها عرف انها رايحة... بعد خرج باباها وهي حكامة في يدو وكانها طفلة صغيرة مهبطة راسها... رمى دخان عفس عليه برجلو وتقدم بخطوات رزان جيهتها وين واقفة راح تدخل وتركب... تنهد وحط يدو في جيبو خرج دراهم وقربها فتحلها يديها عطاهملها... وهو مهبط راسو من غير مايشوف معاها نطق...
سفبان: هذم مصروفك وقت تروحي لداركم مانحبكش تتخصي حاجة... ودار رايح مخليها تشوف معاه...
طااع ماشي للڨراج لمح خيالو طالع لزنقة فوقانية... خرج تلفونو حط رقمو عيطلو...
سفيان: ايمن اطلع للحومة فوقانية نحتاجك...
ايمن: غير الخير وش كاين...
سفيان: خونا راح يغلط...
ايمن: شكون هذا خونا... اولدي فهمني علاه تحكي بلالغاز...
سفيان: معتز.. اسمع راح نقطع الحقني لزنقة صرافة...
أيمن: صرافة!؟... وش مديكم لتم...
سفيان: ارواح ومن بعد نحكو...
طالع يزرب في خطواتو يحب يلحق عليه... بعدها غبر خيالو مالقاهوش... قعد طالع هابط يجري من بلاصة لبلاصة...
~~~~~~
بوجمعة: بنتي سامحينا قلقناك تقول غير احنا عندنا مريض في سبيطار...
ياسمين: لا مكانش مشكل هذا واجبي...
حمزة: نتمناو معتصم يفيق في اسرع وقت... صح تعبناك معانا حتى ترواح ماشفتكش روحتي...
تبسمت معاه تحاول تخفي وجيعتها: نن هذا الوقت الي نخدم فيه.. يعني récupération تاعي
جبدت تلفونها شافت ساعة... شيءالي خلى وردة تتوله وتوقف تحكي...
وردة: بنتي نظن لازم تروحي تشوفي دار سيد يستنى... واحنا هنا معطلينك...
ياسمين: لا عادي والله ...
حكمتلها يديه متبسمة: لا ماتحشميش منا... عندك موعد ولازم تروحي...
حمزة: ايه حكيمة سامحينا عطلناك... بابا ماما هيا انت ثاني نهبطكم لدار ومن بعد نرجع...(خرجو كل مع بعض حتى ياسمين الي هزت صاكها ونحات طبليةو خرجت وخلاتهم واقفين مع بعض برا )...
وردة: طفلة ما شاء الله قليل الي كيفها..
بوجمعة: ربي يحفظها لولديها...
معتز مش معاهم خلاص يخمم في غيبة معتز نهار كامل... فيقاتو وردة من شردتو...
وردة: حمزة ولدي هذاك هو نروحو...
بوجمعة: حتى انت لازمك راحة شوف حالتك...
حمزة: غصرة وتفوت إن شاءلله ... هيا انا سابقكم نسخن طموبيل..
