🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 56:
قاعدة في صالون تشوف فيها... كل مرة وين تحط عينيها حتى دخلت عليها حليمة هازة فيدها ضيافة...
وردة: اخاااه عليك راني جيت نتوانس شوية ونروح... دوك شويا لولاد ومايلقاونيش...
حليمة: معليه مش حاجة كبيرة... غؤر تحلية خفيفة طيبتها لأيمن يحبها...
وردة: اممم بصحتو...
حليمة: عيشك وريدة... قوليلي وش حوالهم دراري عندي ياسر ما شفتش معتز وسولا...
وردة: معتز هاو نهار كل وسولا مع راك نتعها...
حليمة: ربي يوفقها إن شاءلله ... تكبر ونجيبها كنة...
وردة: كنة بنتي كنة مازلها صغيرة حليمة اختي ياك حكينا فيها لحكاية هذي...
حليمة : نعرف حكينا فيها... اما كون تنحي خشونية راس وتمديها لطفل وش فيها ياك راجل خدام ويجيبها من تحت لحجرة...
وردة: حليمة اختي لكان تحبي نبقاو بلقدر مابقتيش تجبديلي على لحكاية هذي...
حليمة: علاه تعملي هك كي عاد يتيم طفل حڨرتيه لا أم ولا أب ...
وردة: بانتلي لحكاية فهمتك وعاودت مانحبوش يدور بطفلة مستحيل نمدهالو وخلاصت الهدرة...
هزتحليمة فنجان نتع القهوة شربت منها وعاودت حطتها: ربي يهديك هذا ما نقول...
وردة: دخلتي صالون جديد والله غير شباب...
حليمة: هذاك وليدي ايمن غير نشاور على لحاجة تجيني تجري...
عدلت قعدتها: اممم ربي يهنيك بيه...
حليمة: امين امين (الباب طبطب راح يتهد...)
~~~~~~~~
ماشيا في كلوار نتع سريطار هي وياه يتناقشو قابلتهم سلمى تحكي في تلفون وتضحك..
اسامة: زوجت؟
ياسمين شافت معاه: وي زوجت..
اسامة: ومتهنية معاه؟
ياسمين: علاه تسقسي ياك انت الي خليتها...
مسح علة لحيتو: نعرف غير سقسيت برك...
وقفت ودارت مقابلاتو تحكي...
ياسمين: اسامة من درك نوصيك الشيء الي كان بينكم خلاص طفلة راهي خيرت حياتها وبناتها مع راجل خلاف... من غير ماتحير الامور... مافرحنا غير وقتاه رجعت لطبيعتها
تبسم: اممم نخلوها #للمكتوب...
ياسمين: بانتلي ماتفهم لا... رانيحذرتك ماتلوم غير روحك من بعد رجلها صعيب قادر يديك في شربت ماء...
اسامة: حتى خوك مش ساهل فرفشلها شعرها رايح يضحك...
ياسمين تعيط وراه: الخ*وى يخ*ويك منين جيت خويا...
سلمى: وشبيك تعيطي...
ياسمين: ههه لا والو غير كنت نحكي برك مع اسامة...
سلمى: امممم معليه... جيت نقلك محمد عيطلي قالي روحت وساخف على شويا زفيطي ههه...
ياسمين: هههه عاد حببب قلب يسخف سلمى تجري تروح...
سلمى: هههه اكيد راهو بسمانة مانشوفوش... نشهيه وشويا فيه....
ياسمين: ايييه يالالة بصحتو... مرأة كيفك...
