المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 132:
جوجيتا تحكي...
من صباح نعيطلو مايهزش عليا... مافهمتش وشبيه... بعث الف ميساج اما والو... ماعرفتش نتصرف ولا حتى لمن نعيط... مرة نخرج نقعد معاهم مرة ندخل للبيت نعاودلو اما مكان حتى خبر... اول مرة يعملها حتى ويكون لاتي يبعتلي ميساج اما اليوم لا كاين حاجة ومتاكدة ثاني... قعدت نطلع ونهبط في لفيسبوك اما والو الوقت ماحبش يعدي...
حمزة يحكي...
ديتو لاقرب polyclinique نعرف واحد بخدم لتم... ماحبيتش لحكاية تكبر وتوصل للبوليس... الحمد الله لحكاية فاتت سلمات... خيطوه 4 غرزات وغطاوهالو... وكتبولو على دواء نتع سطر... خرجت انا واياه وحدة وحدة... حتى يقابلني ل### نتع خويا الي وصلنا لهنا... شفت معاها سوفات كون جاو رصاص راهم قتلوه...
فتحت طموبيل طلعنا شفت معاه من المراية...
حمزة: لحكاية ماحبستش لهنا حسابنا من بعد يا رجلة...
معتز: كفاه تحبني نفوت لحكاية وكانها ماصارتش... من نيتك ولا...
حمزة: على هذيك كما تصرفتي في جرتك قريب ديتي رقبة...
سفيان: حمزة مش وقت الهدرة هذي لحكاية راهي فاتت سلامات... ما صرا شيء...
حمزة:ما ### ب### زح كون ماجيتش راو مات واحد...
سوفي: هههه بصح عجبتني لقطة الي درتها...
حمزة: يزي بلا ### تاعك... مانيش ناقص ###...
سفيان: هاني سكتت اسيدي...
معتز: تليفونك من مدة وهو يصوني نسيتيه في طموبيل...
سوفيان: ايوووا ما تكون غير مهبولة نتاعي... هات نشوف شكون...(هزو شافةمعاه تبسم ) هااه مش قتلكن... اليوم خوكم يبات يحسب في نجوم وناكلها على راسي... وهذا كل في جرت سي ### نتع معتز...
معتز: هههه تساتهل ا ###...
حمزة: وتحل في فمك ما صح عليك الوجه... هانا قريب نوصلو وشوف كفاه تحلها مع امك...(ودار لسفيان) خويا سوفي سامحنا مرة هذي امسح الموس فيا...
سفيان ربتلو على فخدو:مابيناتناش اصحبة...
هز تلفون وعاودلها...هما ثانية وهزت تقول كانت تستنى فيه..
سفيان:روح...
جوجيتا: علاه هك سفيان علاه من صباح وانا نعيط وانت مولى دار ما كانوش مش حرام عليك تشغشبني وانا بعيدة عليك...
سفيان: ردي نفس بلعقل على روحك... هاني لباس اسيدي وزيد ياك انت الي حبيتي تبقاي بعيدة مش انا الي بعدتك....
جوجيتا: مش وقت الهدرة هذي سفيان... مش وقت اللوم قولي ياك لباس وين كنتي من صباح...
سفيان: غير كنت لاهي شوي هذا ماكان...
جوجيتا: حل لكام نشوفك سفيان...
سفيان: مانيش وحدي راني مع لولاد...
جوجيتا: مع لولاد ولا معاااا...
سفيان: هاي لهدرة الي نكرها ااا... ايا صح من بعد...(قطع علاها من غير ما يستناها ترد ودار لمعتز...) شفتي هاي زادت لحمت في جرتك ا ###
معتز: انا خاطيني اراجل انت مش رومنسي على روحك...
سفيان:رومانسي اااه...ماعليه حسابك تاخدو وافي ثاني....ايا حمزة حطني هنا برك انا نكمل على رجلي،...
حمزة: والله ما جات غير نحطك بحدا دار...
وصلو بحدا دار وطلع مكمل لدارهم ڨار بحدا الباب وهبطو... يشوف في امو واقفة قدام طاقة اكيد بابه يكون خبرها ... رجعت ريدو مابقاتش تبان...
دق على لباب اكثر من مرة... حلت عليه سولا الي شافت وجه معتز الي مدمدم كلو زروقية... تخباش في رقبتو... شيء الي خلاها تشهق وتحط يديها على فمها... اما هو فبعدها ودخل من غير مايشوف معاها... كاره من هدرت خوه طريق كاملة... حتى توقف في وجهو وردة تشوف معاه وهو يشوف معاها... وتهز يدها تعطيه كف لا يقرا ولا يحبس... عوجتلو بيه رقبتو خلات الكل يحل فمو فيها هذي اول مرة الي تعملها... وتحط يدها على واحد فيهم...
