المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 144:
نسوق مشبك يدي في يديها... مزالني مش مصدق إنو راجعة معايا لدار لا ولدارنا وحدنا... مرة على مرة نهز نبوسها وكأني نحب نتاكد انها صح معايا...
جوجيتا: سوفي...
سفيان: روح سوفي...
جوجيتا: تعرف حاسة روحي في حلمة... وخايفة نفيق منها... الي فات عليا الكل مش حابة نعاود نعيشو... حتى لبعد عليك ثاني صعيب... واكثر شيء ضرني وقت كنت تهملني وماتعيطش تسقسي وانا محتاجة نسمع صوتك...
سفيان: علاه حلمة حبي... هاه شوفي يدك وسط يدي قاعدة بجنبي... ورايحة لدارنا وقريب توصلي ثاني... والي صرا قبل الكل فات وراح لحالو... مهم نتيجة ياروح...وقت انت تهربي ليا ولا انا نهرب ليك بدنيا الكل...بربي إنشاءالله مابقيتش نزيد نهز يدي عليك مرة خلاف...
جوجيتا: ان شاءلله سوفي... لانو صعيبة وقت تهز يدك عليا وانا ما نشوف غير ليك انت الي نحس معاه بلامان.. وقت تضربني نحس دتيا الكل تقفلت في وجعي... مهم حكاية وفاتت ودرك قلي ماماك كفاه راح تعمل معاها؟...
عقد حواجبو بحكي: كفاه راح نعمل معاها ما فهمتش...
جوجيتا: يعني كفاه راح تخليها وحدها؟ راح تتقبل فكرة إنك تسكن وحدك...
سفيان: اولا مش وحدها معاها شايب يتهلى فيها... ودار قريبة يعني وقت تحتاجني نروحلها ولا هي تجي لعندنا... مش مشكل خلاص
جوجيتا: ااا اوكي مليح... كما عدتي عامل حسابك... هك تتهنى عليها...
ڨارا طموبيل... باسها من يديها يحكي
سفيان: يالا اهبطي وصلنا...
دورت راسها على لبلاصة: هنا راح نسكنو...
سفيان: إممم لهنا هيا اهبطي نوريلك دار...
هبطو لزوج مع بعضهم كان هاز فاليز نتعها في يدو واليد لخرى حاكمها بيها... جالعين في دروج... وقت وصل قدام دار حط فاليز جبد المفتاح حل الباب و شعل ضوء متبسم... دخل ودخلت وراه...
جوجيتا: ياااا ماشاء الله كبيرة...(دور وتشوف فيها) تسخف... هنا صالة صح؟
تعرف سوفي والله ماراني مأمنة انو رجعت عندي دار وحدي...
سفيان: امممم علاه ماتأمنيش.. ارواحي نوريلك دار... شوفي هنا صالة.. ولهنا هذي بيت لولاد لاكتب ربي... وهذي لكوزينة.... وهنا شمبر نتعناااا اجمل حاجة في دار كامل...
جوجيتا: هههه اممم اجمل حاجة... مالا كي عادت اجمل حاجة شمر على يديك خلي نحط كل حاجة في بلاصتها باه ترجع صح اجمل حاجة...
حك شعرو: وانا علاه نشمر على يديا مانعرف ندير شيء...
جوجيتا: هههه شوف اسيدي تحب نرجع هذا شيء كل وحدي والله لا صراتها...
سفيان: وش قولك نديرو حاجة اخرى قبل هذا كل ومن بعد نعاونك امممم...
جوجيتا: هههه لا لا دبر على روحك... درك نرجعو كل شيء... عدت تساوم فيا..
سفيان: ايواااه وانا مانستناش حتى ترجعي كل شيء ارواحي هنا... 🙈🙉🙊
