💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 101:
رايحة جاية في البيت دموعها تسيح تحس في لحڨرة قاعدة وتزيد مرة على مرة تضرب على الباب... تفكرت تلفونها لازمها حل... حطت رقمها مهزتش مرة اللولى زادت مرة اخرى قعدت على سرير رجليها ويديها يرعشو تحس في برد نخر عضامها...
جوجيتا: سناء قفل عليا الباب اسناء... ماعرفتش نتصرف...
سناء: علاه هذا يقفل عليك منو بصح...
جوجيتا: نحب نروح لدار هيء هيء ماعدتش نحمل قعدة لهنا... كفاه نعمل انا درك...كفاه اربي...
سناء: ماتقلقيش روحك خاوتك وبابا في طريق...
وقفت مفجوعة تحكي...
جوجيتا: شكون قالهم علاه اسناء علاه هك دوك تكبر وكفاه نعمل انا...ياااا علاه هك ختي علاه
سناء: ماقدرتش نخبي على خوك وقت يعرف يعمل فيا اصلا هبل وقت الي سمع كون لقى كفاه ىاو طار وجاك اني يحسب بدقيقة وقتاه يطلع نهار...
تبكي وتحكي: مانحبش نتحط بين نارين ياربي علاه انا دايما يصرالي هك علاه...
تحل الباب ودخل هاز معاه ينية نتع القهوة... حطو على طابل دو نوي وهز راسو يشوف معاها...
سفيان: علاه راك تبكي ارحمي روحك امرأة...
جوجيتا: كما ترحموني انتم.. وقتها نرحم روحي... قعدت على سرير مهبطة راسها... قعد بحداها حكم يدبها جبدتها
سفيان: جوجيتي نعرف قهرتك نعرف روحي ظلمتك... تحبي تتغشي ولا تغضبي اغضبي في دارك هنا... انا الي نخرج وانت الي تبقي... مجرد فكرة انك تروحي تخليني ندخل في بعضايا...
جوجيتا: خلاص فات الحال تع دار جابين في طريق عودهم وصلو...
سفيان: مرحبا بيهم في اي وقت... اما انهم يدوك معاهم غير ينساوها...
جوجيتا: سفيان خليني نروح معاهم ماعدتش قادرة نحمل والله...
سفيان: نعرف والله غير نعرف وانا زدت عليك اما وعد نعدل من روحي ونشوف حل نتع دار وعد... غير انت خليك معايا...
جوجيتا: هههه اسمع امك هاي تعيط... شفت كفاه... وانا تحبيني نبقى هنا مستحيل اسمع بوذنك كفاه تسب فيا...
سفيان: خلي تهدر على روحها... من غدوة نخرج نحوسلنا على دار... مهم انت ماتتغشيش برك ويزي من لبكاء... حط يدو على خدها يمسحلها في دمعتها الي على شافرها... ارضاي علينا برك...
هزت راسها تشوف معاه: سفيان حابة نأمنك اما مش قادرة والله ...
سفيان: والله وراس روح تاعي الي مزهيتلي حياتي غير نشوفو دار ونعيشو وحدنا كونك متهنية.... انت نوضي اغسلي وجهك وبدلي عليك... نخرج بقضية ونجيك نخرجو شويا...
جوجيتا: لا ماعبنيش في لخرجة نحب نرقد...
سفيان: على الاقل افطري...
دخلت في سرير وتغطات متكمشة وسط كوات ... وقف يشوف معاهامتحسر هليها وعلى الي عملو فيها... بعدها خرج قفل الباب من وراه
