🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 8
في سبيطار
فاطيمة: الليل كامل ماقعدناش... غلبت نروح طول نرقد
ياسمين وهي تنحي في طابليي: صح كان بزاف شارجي الحمد آلله ماعندناش موتة... هذاك الي يقهرني كل ڨارد نعملو...
سلمى: ايه وش راح تعملي دوك تزيد عليك لاشارج بعدما حطاتك وسام في بلاصتها بنيابة....
ياسمين: عادي خدمتها قبل نظم روحي برك..(لبنات شكون بطموبيل توصلني في طريقها...تاعي عند ميكانسيان )
سلمى: وي نحطك في طريقي ماتخميش... إن شاءلله تتصلح بسرعة...
ياسمين: ربي يخليكم ليا بلا بيكم ماكنتش نعرف كفاه راح نتصرف...
فاطيمة: ربي يهذيك صح كما نلقاوش بعضانا شوكون نلقاو...
ياسمين: يعيشك اروحي... بوسيلي رتاج كما تروحي...
فاطيمة: يعيشك اروحي يوصل انا نخليكم...
سلمى: هذاك هو نخرجو مع بعض.. طريق وحدة
ماشين ويحكو
ياسمين: كون غير كما نروح نلقى صفراء رجعت لحوايج غلبانة نحب غير نرقد...
سلمى: استناي برك دوك تلقي كل حاجة في بلاصتها...
ياسمين: زدني فشلتيني تعرفي (ركبو في طموبيل ) ثلاث ايام مش راقدة غير 3 سوايع
سلمى: ربي يعينك حبي.. كون خديتي راي وديتي
ياسمين: خلاص سلمى فكنا من سيرة هذي هذاك ماكتبلي ربي (دارت تشوف مع طريق )
سلمى: ماحكيتش هك باه تتغشي...
دارت تبسمت معاها ياسمين: ماتغششتش... علاه نتغشش.. رجعت تشوف مع طريق وش قولك نعدي للمكانسيان نطل عليه.. ولا نروح طول...
سلمى: كما تحبي... زيدي كملي طرف نتع جهد الي بقالك وخلاص حتى نلقاوك طايحة كاش نهار...
ياسمين: ههههه عمر شاقي باقي ماتخميش... نقلك حطيني في دار خير...
سلمى: احسن واحسن ريحي اعملي دوش علامة من بعد ساهل...
ياسمين: ماقلتيليش وش راهو محمد لباس معاك...
سلمى: هههه ما نعرف نشوفو مرة في سمانة ويزيد يروح يرقد... نتلقاه على لعشاء وخلاص...
ياسمين: حاولي تحكي معاه وتلقاي حل...
سلمى: وش هو الحل... حتى لولاد حرمني منهم 4 سنين من نجبدلو على موضوع يقلي مزال الحال...
ياسمين: ربي يهذي وخلاص... هك براسي احسن ولا وجاع راس...
سلمى: مهما يكون يبقى راجل ساندك ما تقوليش هك... عجبك حالك في تمرميد نتع خوك ومرتو...
ياسمين: نن ممش عاجبني اما لحكاية هذي مش بيدي...(ااا لهنا حبسيني لهنا طموبيل ماتدخلش لفوق ) شوفي لفوق نسكنو فوق هذيك دار الصفراء بعد
سلمى:هيا مليح يعني قريبة منا برك تمشي شوي تلقايها...
ياسمين:ايه قريبة...إنشاءللهمرة هذي مانزيدوش نقلو تعبت كل مرة في جيهة...
سلمى:إنشاءلله حبيبة تاعي...انا نخليك تبقي على خير...
ياسمين:يعيشك حبيبتي نتلقاو غدوة انشاء...وتلفون بينا
سلمى:تمام حبي
