🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 76:
طالعة تجري في دروج.. تفكر في هبالو وسط طموبيل حتى تدخل في حيط... طاحلها صاكها هبطت تهز فيه...
سلمى: سامحني ماتولهتش...
أسامة: من عندك كما لعسل...
طلعت راسها تتاكد من صوت الي سمعاتو...
سلمى: اممم هذا انت...
اسامة: اممم انا عندك مشكل...
سلمى: نروح احسنلي مكانش هدرة نهدروها...
حكمها من زندتها دورت راسها تشوف معاه تحكي وترص على سنيها...
سلمى: اخر مرة تحط يدك عليا... اولا مرت راجل ثاني شيء زملاء هذا شيء مايعطيكش الحق تحط يدك عليا...
أسامة: إذا كان هو راجلك فأنا حبيبك...
نحاتلو يدبه وقربتلو تحكي...
سلمى: ههه هذاك كان بكري اما درك انا مرت محمد وحبيبتو لزوج... ومن احسن وين تشوفني بدل طريق والا راح نتصرف تصرف اخر...
اسامة: وش راح تعملي مثلا تكتبي بيا تقرير ولا تقلهم حبيبي وراجلي سابق الي راح وخلاني يقلق فيا اممم...
تبسيمة على شفافها: نحب نخليك تعرف وش راح تعمل سلمى جديدة... لاكان متوقع تلقى نفس ضعيفة نتع قبل... نقلك ياحسرة...
أسامة: اووو قطة لمغمضة ولات تخبش...
سلمى: جرب قربلي وراح تشوف الوجه لاخر...
اسامة: اممم راح نجرب ونشوف...
راحت وخلاتو واقف يشوف معاها... سنيها قريب تاكلهم استفزازو والبرود الي يحكي بيه... دخلت للبيرو نتع ياسمين مالقاتهاش... حطت صاكها ولبست طبليتها راحت تبدا خدمتها...
~~~~~~
ايواااه هذا تلسو في رجلك... وهذا في راسك...
حمزة: كما انت صح...
ياسمين: ايه كما انا.. كما تعرف نورمالمون غير اطباء وممرضات الي يدخلو... نخاف من مكروبات ولا حاجة خارجية تدخل للمريض...
حمزة: تسمى هك مانقيسو بحتى شيء...
ياسمين: إن شاء الله... وزيد حط الكمامة... في يدك 5 دقايق راح نكون معاك نشوف حالتو...
حمزة: مريقلة...
حلت الباب دخلت ودخل معاها قابلو راقد... جسمو كلو خيوط لاصقة مع مشينات... قلبو وجعو قرب بحداه... هز يدو قربها لفمو باسها ودمعتو طاحت زرب مسحها مش من عوايدو تهبط اما كلحاتو وهربت نازلة... واقفة تشوف مع تقرير تولهت وقت مسح دمعتو... تبسمت بعدها تنهدت وقت تفكرت خوها... حطت لوراق بعدت عليه مخلياتو براحتو...
شاف معاها وقت رجعت لوراء... دار لخوه يحكي...
حمزة: معتصم نعرف انت البطل نتع خوك... صح؟... نحب بطل تاعي يقاوم ويرجعلي فيسع... ماما وبابا سولا ومعتز كلهم يستنو فيك... نعرف تسمع فيا ماطولش رقدة بلا بيك حياتنا سامطة... شوف خوك معاك يحب يشوفك حليت عينك اااه...
مع كل كلمة قالها تنزل دمعة... علاه ماتنزلش وهي عايشة في ححالة فقدان الاخ وهو حي يتنفس... حرمها من حب الاخوة وهو عايش مستغلها حتى الفرحة بولدو ماعاشتهاش كما اي عمة... مسحت دمعتها وقت دارلها جاي لعندها...
حمزة: مكان حتى حركة ولا حتى امل...
ياسمين: خلي املك بربي كبير... يالا نخرجو من بعد نحكو...
