🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 75:
سولا: ماما أني خارجة... من بعد نص نهار اني نجي لسبيطار
وردة: ربي يسهل بنتي... وقت تعودي راح تجي عيطيلنا اوكي...
سولا: اكيد كونك متهنية... وانتم كون تصرى حاجة جديدة عيطولي ...
وردة: ان شاء الله مايصرا حتى شيء...
سولا: ان شاء الله ماما...
وردة: هاكي مصروفك و يالا تيسري لقرايتك ماتتعطليش اوكي...
سولا: هيا صحا (خرجت وقفلت الباب )..
شافت مع الباب الي تقفل دارت راجعة للكوزينة حتى يقابلها واقف يشوف معاها...
وردة: صباح الخير...
بوجمعة: صباح النور... كيفاه صبحتي اليوم...
تعداتو ماشيا للكوزينة تحكي...
وردة: وش راح يتبدل زعمة.. ارواح اشرب قهوتك راح علينا الحال هذاك هو ما طلعنا لسبيطار...
لحقها قعد على لكرسي يشوف معاها كفاه تصب في لحليب والقهوة... تحاول تبين قوتها... وهي اضعف منها مكانش ... خاصة ولدها الي في الحكاية...
وردة: مزلتي مطولة شوفة فيا؟... فيسع افطر نلبس قشي ونهبط نروحو...
بوجمعة: وانت ماتفطريش...
تبسمت معاه: لا خلاص فطرت... بصحتك...
بوجمعة: الله يسلمك...
~~~~~~~
تغسل في وجها ودمعة في عينيها... غايضتها روحها وين كانت ووين ولات... هزت فوطة مسحاتو... بعدهل لمت شعرها عشوائي... خرجت من صال دوبان نتع المرضى تلفات مع فرملية سقساتها...
ياسمين: صباح الخير.. ماشفتيش الحكيمة فاطيمة...
###: صباح الخير حكيمة لا ماشفتهاش...
ياسمين: يعطيك صحة...( مشات تحكي وحدها ) اااااه يافاتي نهار واحد نحوس عليك ونلقاك... هي كملت كملت نشوف مع سيد من بعد نفطر... طالعة مع دروج حتى يقابلها يحكي في تلفون اول ماشافها قفل وحطو في جيب...
ياسمين: طولت عليك؟...
حمزة: لا هذاك هو فطرت خلاص؟...
ياسمين: نكذب لو كان نقلك فطرت... يالا تبعني تشوف خوك ومن بعد ساهل...
حمزة: اوكي...
ماشين مع بعض حتى تلقات بأسامة... حبست صبحت عليه...
ياسمين: صباحو زميل...
اسامة: صباحو... نشوف فيك مبكرة... ماتقوليش ستاجيار جديد...
ياسمين شافتمع حمزة من بعد نطقت : لا غير خو مريض عندي... راح ندخلو يشوف خووه...
هز حوجبو يشوف معاها: من وقتاه هذا شيء... ياك عندك القانون على لجميع...
غمزتو و تعداتو: ساعات كاين استثناءات....
دار يشوف معاها: ايا مليح...مهم نسحقك في حكاية لمريضة الي عطتيخالي لبارح...
ياسمين: 10 دقايق ونكون عندك...(كملت طريقها )
حمزة: إن شاء الله مانعملكش مشكل..
ياسمين: هههه لا علاه تعملي... وصلنا دقيقة نجيبلك وش تلبس باه تدخل...
حمزة: اوكي...
