🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 2
في لحومة الفوقانية كاميونة معمرة قش... واقفة تشوف مع خوها مرة تهز تعاونو ومرة تاقف ترد نفس...مرتو قاعدة في طموبيل تحكي في تلفون ولا علابالها...تمسح فلعرق الي سايح من جبهتها هزت زربية تحكي
ياسمين:مش كون لالة نورة تعاون احسن...ماراهي لاهيا بتلفون وانا ياربي ساعة وعندي قارد
الياس:مش كون تخليك منها وتهزي وتسكتي احسن مش كل مرة نفس لحكاية...كرهتيني بتنقريز تيعك...اخطي لمرأة نهار بطولو جايبتها وراها...
نفضت من يديها زربية على لرض: انا جايبتها وراها؟ .. انا الي نخدم فيكم كما لخديمة الليل ونهار داخل وبرا نستاهل سي خويا...دار دارك لكان نسيت...
الياس:حتى انت راح تسكني فيها...مش غير حنا...وهذا واجبك انك تعاوني مش مزية منك...
ياسمين: شوف اسيدي ولات واجبي مليح...نقلك حاجة انا رايحة نخدم وانت دبر راسك...ونفكرك دار هذي نصها حاطة فيها دارهي ...يعني من غير مزيتك هذي ولا تكون حاط في بالك عامل مزية ولازمني نخلص حقها .... تء راك غالط... بسبابك وبسباب مشاكلك انت ومرتك مع ناس كل مرة نقلو لحومة.... غلبت وغلبتني معاك حتى لخدمة دايما غايبة في جرتك...
الياس: نقلك حاجة يالالة كون جات دنيا دنيا راك مزوجة متهني من تقرقيرك كل مرة عليا...(رجع يهز يتمتم تحت خشو تعي)
ياسمين شافت معاه مطولة شوفة ومشات لطموبيل الي فيها نورة حلتها بنطرة جبدت صاك وصبتلها كلمتين هذم وراحت (بونيشة تاعك اي رايحة تخدم ) تلهى براجلك...
وهبطت تمشي في طرق ماتعرفهاش مهم تعفس وخلاص في عمرها 32 سنة وهي مزالها دليلة عند خوها ومرتو وهما كل مرة يعايروها بحاجة هي ماعندهاش فيها ذنب...مزال مكتوبها ماجاش ولكان جاء يكون ياطامع يارفض خدمة الليل...
فاتت من طريق ظلمة تمشي هايمة سارحة...حتى تسمع صوت كلب يلهت قدامها...تشوف معاه وثبت هاي جثة تاعو قدواه لعاب نتاعو سايح يعمل في صوت يرعب ...واقف في بلاصتو يشوف معاها...وهي تترعد مالقات ترجع لوراء ولا تهرب ولا تنوض تعيط....ساكنة في بلاصة وحدة
