المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 137:
ايمن يحكي...
واقف قدام لمرايا ... نعدل في شعري... هزيت برفانتي رشيت منها... وعدلت ساعة في بلاصتها... شفت مع روحي برضا...اما جسمي لهنا وعقلي يخمم غايب كليا ... مازال مانيش فاهم روحي... هذي الخطوة راح تكون في صالحي وصالحها... ولا راح نزيد ندخل دنيا في بعضها كما قال سفيان... مانحبش نظلم طفلة اخرى معايا... وهي ماعندها حتى ذنب... اما احسن حل هو هذا نبني عايلة ونركز كامل تخمامي فيها... ممكن ننسى ونتقبل انو هذا #مكتوب... طفلة الي حبتها حلومة عمري عرفتها ولا شفتها ولا حتى سمعت عليها... من غير وقت قاتلي عليها هي... نتمى من قلبي هي تكون دواء لجروحي... هههه اسمها ولدرك مانعرفوش مش تمسخيرة هذي... اما معليش نحب نجرب تجربة حب لحلال الي يجي غير بعد زواج من غير مانكذبو على بعضنا... نحس في روحي مرتاح بعد ما صليت زوج ركعات لله إستخارة...هو الي راح يوجهني لطريق صحيح... فقت من تخمامي غير وقت دخلت حلومة تعرش كما العادة ...
حليمة: هيا ولدي وش راح تبات لهنا ولا...
حليت لخزانة متبسم: هههه نشوف فيك زاربة ولا خايفة نبطل...
حليمة: نعرف ولدي وقت يمد كلمتو مايرجعش فيها...
أيمن: اممم نشوف فيك حاطة فيا ثيقة عمياء...
حليمة: اكثر مما تتصور... فرحتي بيك وانت راح تخطي هذي الخطوة مانقدرش نوصفهالك...
خرج من البيت هبط لتحت وهي لحقاتو...
ايمن: حلومة ما نحبكش تتأملي حتى نشوف طفلة ونميزها... من بعد ساهل الحال...
حلومة: متهني كون جيت مانعرفهاش طفلة هي ووالديها ما نخممش نجيبها عروسة لولدي ولا كنة في داري...
يلبس في صباطو: يعني مالية يدك اسيدي نشوف خيار حلومة... ماقلتيليش وش اسمها؟
حليمة: اممم وخدي على روحي رايح يخطب واسم مرتو ماعلبالوش بيها...
ايمن: خلاص صاي ولات مرتي وزوجتيني ثاني...
حلومة؛: كما ساعة وليدي... مهم اسمها جميلة باه ماتتبهدلش قدامهم...
ضحك بصوت عليها: زعمة صح جميلة ولا غير اسم برك...
حليمة: تضحك ما صح عليك الوجه... شوف واحكم عندك غير تروح دايخ...
هز حاجبو حاكم ضحكة: اممم نشوف نخرجو درك؟
حلومة: حتى واحد من لولاد راح يجي؟
ايمن: لا غير انا وانت من غير مانكثرو لغاشي... وقت يكتب #المكتوب يروحو معايا مرة جاية.... وزيد سفيان هاو قاعد يلم في حوايجو ينقل وحمزة تعرفي هو الي يعاون فيه...
حليمة: ربي يسهلو ان شاء الله تكون عتبة خير عليهم... هيا مالا على خير... هز معاك هدوك اني سابقاتك...
ايمن: ابابابا وش هذا كل...
حليمة: هههه ما يغلى شيء على مرت ولدي...
ايمن: هههه إن شاءلله على خير...
