المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 142:
عند جميلة...
من وقت مادخلت عليهم... وانا نرجف في عمري 24 سنة... اما مزالني خايفة من المسؤولية... خايفة مانكونش قدها... حتى لقراية وما كملتش فيها وصلت 2 ثانوي وحبست بحكم ماما كانت مريضة ولازم نوقف معاها... ماقدرتش نوفق بينهم لزوج واصلا انا مالياش فيها... وقت ماما قاتلي جايين يخطبوك... مافهمتش علاه مرة هذي ماقلتش لا ومزالني صغيرة... كفاه ماقلتلهاش نحب نبقى معاك... وتهنيت اكثر وقت قاتلي طاطاك حليمة حباتك لولدها... استغربت في لاول لانو نعرف طاطا حليمة ماتجيبش ولاد... وبعدما حكاتلي لحكاية ماكنتش من المعاكسين يبقى مكتوب... وراجل يبقى راجل... ماختارش يكون من غير والدين...في الخطبة وقت الي قعدت حسيت نظراتو راح تاكلني... وانا ماقدرتش نثبت فيه مليح... بابا وخويا قاعدين وزيد طا حليمة الي كل مرة تشكر وتعاود خلاتني نذوب... وقت رحنا لشمبر وسقساني قابلة تتزوجي بيا... صراحة حسيت قلبي راح يحبس ما توقعتش إنو يسقسيني... فرحت بزاااف لانو ماحبش يبدأ العلاقة ومجرد شك انو طرفيين مش قابلين... فقت من سرحتي وقت سقساتني ماما...
فضيلة: بنتي عجبك عريسك؟
حشمت منها غير حركتلها راسي... وقتها جات قعدت بحدايا وحكمت يديا بين يديها...
فضيلة: بنتي لكان مش عاجبك عمرنا نحتمو عليك حاجة... نحب بنتي تكون متهنية مش راح تتزوج وخلاص مهم ترضيني...
جميلة: لا ماما عاجبني حتى وقت حكى معايا خلاني نرتاح...
فضيلة: قالي مصطفى على حكاية لحجاب... انت قابلة تعمليه؟
حركتلها راسها: اممم اصلا كان راح يجي يوم ونديرو... وهو ماقالش حاجة عيب طلب حقو ومن حقو إنو واحد ما يشوف مع مرتو...
فضيلة: ربي يكملك بعقلك جميلة بنتي وإن شاءالله ربي يهنيك ويكون راجل الي يصلح بيك...
هبطت راسها: ان شاء لا ماما...
فضيلة: سهى من صباح وهي تعيط تسقسي كفاه فاتت... وانا ماقدرتش نحكيلها...
جمبلة: خلي من بعد لعشاء ونعيطلها نحكيلها بتفصيل... اصلا لازم نقلها تجي... باه توجد معايا راهي غير سمانة وتفوت بلخف... وانا تعرفينيمالياش في لخروج نص لبوتيك مانعرفهمش...
فضيلة: إيه عاد نعرفك... مهم اكتب ورقة وش تسحقي كامل باه ما تدوخيش وش حابة تلبسي ثاني... لازم تعولي على روحك شوي
جميلة: اكيد ماما... بربي نقدرلها
فضيلة: اممم هيا مليح شوفي هذو لحوايج الي جابوهملك... إفتحي شوفيهم وانا نهبط ما نخليش خالتك وحدها تقلق...
تبعتها بعينيا حتى خرجت وقفلت الباب فرغت هدوك لحوايج الكل فوق سرير ... وبقيت نقلب فيهم فرحانة بكل حاجة تقول طفلة صغيرة... ولاهذيك العلبةلكبيرةالي معمرة شوكلاطة ومكسرات رجعو عينيا قلوبا عشقي شكولاطة ... من كل شيء حاجة...وقتها جاء لبالي زعمة وش قاعد يعمل درك زعمة عجبتو... اوووف وش لهبال الي راني فيه... حكمت شعري طمطومة مع انو ثقيل اما نفوت لفاتحة ونقصو هههه خلاص جاب وقتو... لبست في رجلي وخرجت لماما كشما تسحق نعاونها... ممكن نحبس شوي من تخمام....
