🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 29:
سفبان: كفاه هذي ماتنسايش ياك غلطت... هاني طلبت سماح يزيك بلا دلال... ارواحي لهنا عندي ارواحي...
جمانة: دلال وانا دلال من نهار جبت لدار هاذي وانا عايشة فلادلال... يهديك ربي ياراجل... وين تحبني نجي... نجي لليدين الي تهزت وضربتني...
سفيان: تسمى راح نقعدو نعاودو في نفس لحكاية اااه.. معليش ماتسامحيش الا لا سامحتي...
جمانة دورت وجها تمتم : جاتك على قد قلبك عاد جابتلو ضحك...
سفيان وقف: سمعتك ياك...
جمانة: اسمع على روحك...
سفيان: صار هك... تغديتي ولا مزال...
جمانة: ماتغديتش ناكل رهج...
سفيان: وعلاه تهدري هك اممم... وانا قلت نخرجو نتغداو برا...
جمانة: كثر خير شبعانة مانسحقش...
سفيان: اممم وكانو زدتي فيها شوي... نوضي البسي قشك نخرجو...
جمانة: مانلبش ومانروح لحتى بلاصة قاعدة هنا...
سفيان: جمااااااانة يالا....
جمانة: ماتعيطش عليا قتلك مانروحش مانسحقش...
سفيان: اقعدي لشر ماتلوميش عليا من بعد... خرج وخلاها
~~~~~~~
حمزة: الو ايمن خويا
ايمن: اهلا حمزة وش كاين غير لخير...
حمزة: عندك نميرو نتع عمي حمد...
ايمن: لا ماعانديش علاه؟
حمزة: دين*** نهار اليوم كفاه عاكستلي...
ايمن: وشبيك وش صرالك...
حمزة: ماعندكش رقم فرودار اخر...
ايمن: ماتجهلنيش قوليوشبيك وش صرالك...
حمزة: سولا خرجت من لقرايا... انا بعيد ومعتز نفس شيء...
اول ماسمع اسمها قلبو خبط...
ايمن: ماتقدرش تحكم طاكسي تروح؟
حمزة: علبالك ليسي وين مكانش طاكسيات وقت هذا قليل وين تعدي...
ايمن: والحل درك كفاه راح تخلي طفلة فطريق..
حمزة: والله غابتلي اشيخ...
ايمن: نقلك دوك نهز طموبيل نتع شريكة ونروحلها...
حمزة: اييي تعمل فيا ربي... ربي يحفظك ارجلة...
ايمن: اوااه وش اهدرة هذي... ياك خويا كفاه مانعاونكش...
حمزة: يعيش ليزوم... دوك نعيطلها ماتطولش عليها راهي خوافة...
ايمن: هاني خارج درك بعد.. قلها تستنى لداخل نوصل نعيطلك تعيطلها...
حمزة: هيا مريقلة...
