🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 47:
علي: اقعد تفضل...
معتز: يعيشك خوبا ربي يحفظك...
علي: عندك cv لهنا...
معتز: ايه عندي (جبدهولو وحطو فوق لبيرو ) هذا هو...
هزو يقرا فيه عقد حواجبو: عندك ماستار 2...
معتز: وي
علي: اوكي خليلي cv مع رقمك من نحتاجوك نعيطولك إن شاءلله
معتز كتبلو رقم مدهولو : هذا رقمي متنسانيش خويا لعزيز...
علي: بربي إن شاءلله... تقدر تتفضل...
خرج معتز من عندو ماشي فلكلوار غابتلو خرجة منين... حتى تلقى مع واحد سقساه ورالو لخرجة... قابلتو ياسمين من بعيد واقفة مع مريضة تعاون فيها تمشي وهازة دوسي فيدها... شاورلها متبسم... اما هي عيطتلو... راحلها
ياسمين: خويا دقيقة برك جابك ربي...
معتز: وش كشما حتجتي وشاف مع طفلة الي معاها سبحان ماصور... اما باين عليها المرض
ياسمين: تجيبلي لكرسي بعت فرملية تجيبلي نساتني... والمريضة ماقدرتش توقف...خشنت راسها تحب تطلع لطبيب على رجلاها
وسام: حكيمة ماقدرتش راح نطيح...
ياسمين:تحملي شوي وسام...
راح يجيب لكرسي من غير ولا كلمة مبنج... حتى يسمع في حاجة طاحت دور يشوف شكون لقاها طفلة طايحة وياسمين تشوف فيها...رجع يجري يسقسي...
معتز:حكيمة وش صرالها نعاونك...
ياسمين:ماتحملتش طاحت نفس الحالة كل مرة...
معتز:حكيمة بعدي خلي نهزها...(قرب هزها بين يديه ) وين نحطها...
ياسمين: ادخل للشمبر هذي... سامحني شقيتك معايا...
معتز يشوف مع وسام ويحكي: سماح اختي ربي يجبلها شفاء مزالها صغيرة... دخل وحطها على اول سرير... وياسمين عدلتلها رقدتها... بدات تفحص فيها...
معتز: انا نروح وربي بجيب شفاء إن شاءلله
ياسمين حطت سماعة وطلعت راسها تشوف معاه: يعطيك صحة...
بعدت عليها مرعوبة هزت تلفون عيطت لفاطيمة: الو فاتي نسحق طبيب نتع قلب جديد فورا حالة مستعجلة...
فاتي: وش صرا وينك انت...
ياسمين: مش وقت لهدرة ابعتيه للغرفة 22 طابق سفلي فيسع يالا...
فاتي: تمام...
