🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 10
ماشي في طريق الي يلقاه يسلم عليه... هيبتو طاغية من كان صغير حدو حد روحو تبسيمة مرسومة على وجهو الي يقصد بابو عمرو لا رجعو...يحب الخير لناس الكل تشوفو تقول في عمرو ربعين ناس لكل تعملو الف حساب وهو 27 مزال ماقفلهاش كرايرتو في لحومة تهدر وحدها ....(ماشي حتى تجيه بالون حتى لرجليه ولاد صغار تلعب هزها رب بحداهم يضحك)
معتصم:ياااا خويا خويااا وراح يجريلو يحضنو
رضا: عمو حمزة سامحني مكانش قصدي...
حمزة: هههه ياوحيد سماح دايما نقلكم ماتلعبوش في طريق... وشاف مع خوه ولا انا غالط معتصم اممم(هبط معتصم راسو قالو ايه )
خالد حك شعرو : عندك الحق هههه اخرة مرة والله ... اعطيني بالون...
حمزة: وكون مانعطيهالكش اممم...
رضا: وش قولك في برتيا خفيفة اااه
حمزة: هههه جبتها ايا وحدة سانك سانك هابط للخدمة...
يلعب ويعيط على بالون تقول طفل صغير ضحك عامل حالة... خلاهم وطلع للحومة فوقانية... وين يخدم سفيان... دخل عندو سلم عليه وبدأ من حاجة لحاجة يعاون فيه سفيان صاحبو من ابتدئي كان يقرا معاه... عريس جديد عندو غير حشيشة شراب هي لمخسرتلو حياتو فات نهار ومسات لعشية مع لحكايات والخدمة ماحسوش...
يمسح في يديه ويحكي
سفيان: خويا حمزة نطلع لدار ديجا ماروحتش للغداء...
حمزة: علاه ڨداه ساعة درك...
سفيان: اي 15:30 هذاك هو...
حمزة: عيب عليك مخلي مرتك عروسة جديدة وحدها... وقاعد مقابل لحديد..
جمزة: اي مع يما وش خصها... لازم نخدم باه تاكل... لحديد هو الي بشبعها اراجل و طبطبلو على كتفو
حمزة: علاه راك تحكي هك تقول لا انت الي عملت المستحيل باه تديها... صح خدمة لازمة..حتى مرتك لازم تتوله بيها مش كما ضمنتاها في دار خلاص..
سفيان: ايه يا حسرة... مهم خويا نخليك اضرب طلة على picanto بيضاء اي نتع وحدة ساكنة جديدة... من بعد تجي...
حمزة: روح متهني خويا بصح متطولش باه نهبط انا ثاني لدار..
سفيان: صحا فرار...من بعد ان شاء
هز تلفون تاعو يطلب فيها... هزت عليه
حمزة: روح
اروى: اهلا لباس؟
حمزة: لباس الحمدلله وانت اممم
اروى: لباس هاني مع دار وخلاص
حمزة: وش خصك فدارحتى قالقة اممم...
اروى: والو غير خلاصتلي كونكسيون ومالقيتش كفاه نفليكسي... تعرف والفن نكونكتي...
حمزة: اممم على هذي قالبة قلتيلي نفليكسيلك...
اروى: ماحبيتش نقلقك هذا مكان...
حمزة: عدت نشوف فيك تحكي برسمية لا...
اروى: لا عادي انت برك تبانلك هههه قلي وانت وين...
حمزة: عند سوفيان فلڨراج...
اروى: تخدم؟؟؟
حمزة: وي نخدم نعاون فيه...
اروى: صحا ربي يعينك مالا.. نخليك
حمزة: هذا ماكان ربي بعينك شايحة مكانش نحبك ماكانش توحشتك عديلي نشوفك...
اروى: باينة توحشتك.. نعملو بروڨرام نتلقاو ان شاء الله...
حمزة: باهي اسيدي... نشوفولها نهار...
اروى: إن شاءلله باي
وقفلت عليه طيشت تلفون تنفخ وتحكي
اروى: سامط هذا تقول من عصر حجري... وزيد يخدم في لخماج اععع...
