🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة42:
فاتت ليلة اخرى كل واحد فيهم عاشها بحلوها ومرها راح تقولو ماحكيتش وش صرا مع حمزة... اممم ماحيتش راح نخلاها مع حلقات جاية وتعرفو وش لقى حاجة ولا مالقاش... اليوم صباح يوم جديد ... اليوم راح تكون نهاية وبداية حكايات مختلفة راح نبكو ونضحكو كما راح نفرحو...
معتز: صباح الخير صحبة...
سفيان: اهلا صباحو... كي صبحت
معتز: بخير الحمدلله... هاه تحتاجني قالي حمزة...
سفيان: لا عملتي مزية وصلي طموبيل هذي لوحد طبيبة... وعندك مصروفة...
معتز: عجبتني هذي نخدم ديليفري ونخلص... والله غير فكرة...
سفيان: هههههه مهم تشيخ وخلاص... هيا سيدي تديها ولا...
معتز: نديها نديها خلي منها بعد نحط cv لتم انا رايح رايح...
يفيان: يعطيك صحة صحبة... هاك رقم نتعها كما توصل عيطلها.. وماتنساش امانة تبعتها معاك...
معتز: ياخي فيها ليصونص برك باه تعملهاش بيا فيطريق نعشي نعمرها من جيبي...
سفيان: ههه شر هذا... هاي 50 الف عمرها وروحلها... وانا اصلا مفيد فيها مليح...
معتز: كي عادت مرأة تخلص اااه فقتلك يابو راس....
سفيان: طير يالا لا تجيك هذي لراس...
معتز: ايا صحا نعمل بيها دورة ومن بعد نديهالها...
سفيان: ااا ماتباصنيش وصلها ودير دورة وين تحب... هاو مفتاح ماطولش عليها لمرأة تحتاجها...
معتز: ايا مريقلة..
~~~~~~~
اروى: صباح الخير
حمزة: وش تيحقي على صباح...
اروى: حمزة علاه تحكي معايا هك...
حمزة: نفحتلي نحكي هك عندك مشكل...
اروى: كما تحب مش راح نحاولك تحكي معايا رجعلي تلفوني والله يسهل...
حمزة: هههه تلفونك قصدك تلفون الي شريتهولك لا
اروى: نفس شيء
حمزة: لا مش نفس شيء ودرك روحي تقراي من بعد عندنا هدرة خلاف...
اروى: حمزة يهديك ربي... ياك مالقيتي والو علاه راك تعمل هك...
حمزة: امممم مالقيت والو صح... ايا خلي 🤬 نسوق من بعد وعندنا هدرة خلاف...
~~~~~~
وصل بحدا سبيطار خرج وقف برات طموبيل متكي عليها جبد تلفون حط على رقمها
معتز:سلام عليكم
ياسمين: وعليكم السلام.. تفضل شكون معايا
معتز: اختي انا الي جبتلك طموبيل اني لتحت...
ياسمين: ااااا ربي يحفظك سامحني في شقوتك شوي ونهبطلك...
معتز: براحتك ختي اني نستى...
ماهي الا دقايق حتى كانت بحداه...
ياسمين: الله رحفظك والله مالقيت وقت نجي نديها وانا نحتاجها... سامحني خويا مزيتك مننسهاش...
معتز: من غير مزية اختي.... تفضلي هذا المفتاح امانتك وصلتك ومزالت امانة خويا سفيان...
ياسمين: اي صح تفضل احسبهم...
معتز:صحا (حسبهم ولقاهم بزابد ما قالو سفيان ) ااا اختي راكي زايدة 100 الف...
ياسمين:لا مش زايدة هذيك اشرب بيها قهوة...
معتز:ههه هادي هدرة مانقبلها تفضلي اختي حقك...
ياسمين:والله غيرتخليها كبيرة عليك راني...
معتز:عيب هك مش كل شيءبدراهم...
ياسمين:سميهم عربون محبة...
معتز:ربي يحفظك اختي...معليه نسقسيك
ياسمين وهي تشوف فطموبيل:تفضل وي
معتز:ماتحتاجوش لهنا محاسب ولا...
ياسمين:والله هذو الامور خاصة بالادارة ماعنديش علاقة بيهم...
معتز:يعني ماتقدريش توصيهم عليا ولا تفتحيلي طريق..تعملي فيا مزية اختي...
ياسمين بقات تخمم شكون ممكن يعاونها... من بعد نطقت :باهي ارواح معايا نشوف مع علي...وانت من بعد دبر راسك
