🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 19:
قاعد في فراشو يشوف مع تلفون يعيط ويعاود فايت 10 مرات وهي اوكيبي... مافهمش وش بيها طفلة كانت تستنى يعيطلها بروح... تسهر معاه نص الليل كون مايحاوزهاش ترقد ما ترقدش طلع صباح عادي ... ودرك هاي ماعلابلهاش بدنيا... وهو وش مخليه صابر على تصرفات هذي ياك كلمتو هي الي تمشي... دخل بعتلها مساج (هزي عليا لا نجي اليوم وما تفراش معاك...) استنى شي 10 دقايق مكانش رد... طيشو فوق سرير وخرج للكوزينة يجيب لماء تعدى لصالة لقى معتز مزال ساهر يتفرج... قعد ينفخ خلاه يدور يشوف معاه..
معتز: خير وش كاين علاه تنفخ...
حمزة: مكان والو غير قلقان برك
معتز: ماهزتش عليك اليوم ثاني...
حمزة: اممم
معتز: وتشوف فلحكاية نورمال؟؟
حمزة: مانعرف والله حاير وماعرفتش نتصرف...
معتز: كون سقسيتها شفتي وشبيها
حمزة: تحكي صح الف مرة في اليوم نسقسها تقولي تعب نتع لقرايا...
معتز: كل قرينا ونعرفو لفاك مش لدرجة هذي... طفلة هذي ما ريحتنيش...
حمزة: نعرف... وهذا الي محيرني... مهم انا نحاول نرقد نخليك...مشك راقد انت درك
معتز:مزال نكمل فيلم هذا ونطلع...
حمزة:انت ثاني خمم مع روحك كنت تخدم لباس عليك علاه تحبس..
معتز:ماسعدتنيش تعب بزاف والخلاص قليل...
حمزة:كل بدينا بتعب وحتى لخلاص قليل ودرك الحمد كل مرة يزيد..هذيك انت وشطارتك...خويا زين..
معتز:خليها للوقت وخلاص غدوة نطلع نحط cv تاعي في كاش سبيطار ولا كلينيك ممكن خدمة لتم احسن...
حمزة:نشوف وين واصلة معاك...ايا تصبح على خير ومذابيك ماتعملش الحس ولا تشعل عليا ضوء كما تطلع... اي ماتفراش
معتز:روح براك راح تاكلني ولا...مانديرش الحس تهنى اسيدي
حمزة:صحيتي لفحل
طلع دخل للشمبر هز تلفون لقاها عيطت مرة وبعتتلو مساج (كانت ماما تحكي بيه مع خالتي...) رماه ودخل لفراشو... تحسابني طفل صغير قدامها... معليه نلقالك وقت الي نفهم فيه لككاية الي خرجتيلي بيها جديدة...
